BARREIROS (FNC) .- O alcalde de Barreiros, Alfonso Fuente, amósase sorprendido polas declaracións efectuadas nas últimas horas desde o BNG “dicindo que a culpa das sancións é do PP, xa que non ten fincas alugadas. Dicir que non ten aparcadoiros en disposición para a xente que ven a Barreiros, eso é querer xustificar o inxustificable”. O rexedor entende que “o BNG queira defender á Deputación, porque temos unha estrada na que non se inviste nada, outra estrada parada, investimentos de 4 millóns de euros que non queren executar no noso concello… eu invitaría ó señor Antonio Veiga como concelleiro que é en Barreiros a que non intentara xustificar nin amparar ó presidente da Deputación e o que fixera fose axilizar para que os investimentos desa estrada saíran xa e se adxudicaran e se puxeran os terreos a disposición para que se puideran iniciar as obras, eso sería o que tería que facer e non querer xustificar o inxustificable”.
Fuente Parga engade que “hoxe, por ter ese dato, sumamos os metros cadrados de terreo que temos alugado na costa de Barreiros para aparcadoiros e suman a cantidade de 35.942 metros cadrados e que salga este señor dicindo que non temos aparcamentos suficientes, eso xa é o colmo, porque non fai falta máis que darse un paseo por tódalas praias do noso concello para ver que en todas elas se non hai un hai dous terreos sinalizados como aparcadoiro municipal gratuíto. Ou sexa que están perfectamente sinalizados todos eses aparcadoiros, aínda así oxalá foran ás veces insuficientes que non o son. Oxalá que non fosen suficientes porque iso querería dicir que hai moita xente que decide vir a Barreiros, pero cada ano alquilamos máis prados ou poñemos máis prados a disposición para poder aparcar e evidentemente estamos a falar duns prados que os seus propietarios boamente nos alugan para poñer a disposición”.
O rexedor considera que “si nestes 35.000 metros tivésemos que facer unhas obras para acondicionalos como aparcadoiros evidentemente tería un custe moi elevado para un uso de dous meses escasos, pero están perfectamente acondicionadas as súas entradas para poder utilizalos”. Alfonso Fuente tamén alude ás declaracións de Antonio Veiga nas que este falaba dos paseos marítimos construídos en Barreiros. O alcalde cre que “todos eses paseos marítimos que fixo o Ministerio de Medio Ambiente precisamente o que fixeron foi sacar os vehículos de encima da costa en moitos casos, os vehículos que aparcaban na mesma beira impedían que a xente puidese pasar andando e gozar vendo as praias e todo esto, pois estes paseos marítimos impediron esto. Por esto o Concello de acordo co Ministerio de Medio Ambiente e co Servizo de Costas fomos alugando eses campos para poder crear esos aparcadoiros. Pero aínda nos sorprende moito máis que se poida pedir que se fagan beirarrúas, que se acondicione a estrada cando é unha estrada de titularidade provincial, é dicir, é de titularidade da Deputación Provincial que é a que ten que executar as melloras na estrada, facer beirarrúas e facer tódalas obras que sexan necesarias no vial”. Fuente Parga conclúe dicindo que “resulta que aquí a quen se culpa é ó Concello, e se di que faga as obras o Concello, home se o Concello non é o propietario do vial, o propietario do vial é o que ten que executar esas obras e entón por eso nos chama moito máis a atención. Insisto que nos sorprendeu moitísimo porque estas declaracións dicindo que non hai aparcadoiros nas praias de Barreiros, que non hai suficientes aparcadoiros é de alguén que non coñece as praias de Barreiros ou que nunca pasou por elas porque non fai falla máis que pasarse un día no coche e ver que hai todas estas zonas para aparcar”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
