Trala inauguración do belén xigante de Santa María, celebrada este domingo en Viveiro, o Concello fai fincapé en que “a gran afluencia de persoas que quixeron estar presentes nesa inauguración, facendo que o propio acto fose un éxito, demostra que, a pesar de levar anos sen instalarse, o belén seguía sendo demandando pola xente”.
Viveiro pode presumir dunha serie de festividades, eventos, atractivos, etc. que fan do municipio un referente nas distintas épocas do ano; deste xeito e durante os últimos tempos, cada vez que chegaba Nadal, o belén xigante de Viveiro convertíase nun referente cultural. Non en vano, este belén pode considerarse un dos máis importantes de Galicia; destaca pola súa beleza e por instalarse nun enclave histórico-monumental único, pero tamén polas dimensións das súas pezas e pola extensión do seu conxunto, características que fan deste un belén único en Galicia.
As numerosas chamadas recibidas por parte de veciños, visitantes, comerciantes, colexios e colectivos de fóra do municipio que, incluso durante os anos nos que non se instalou, se seguían poñendo en contacto co Concello para solicitar información ao respecto e organizar visitas demostran que o noso belén se consolidou como un referente do nadal galego, recordado e demandado durante os anos de ausencia.
Así pois, un ano máis, o Belén Xigante do Concello de Viveiro convertirase nun referente ineludible e a súa visita será unha cita obrigada. O belén estará instalado ata o 17 de xaneiro e deste xeito, manténdoo exposto tras a finalización das festas do nadal, quérese posibilitar que os colexios que o desexen poidan visitalo. Atendendo ás cifras rexistradas nos últimos anos, agárdase que sexan moitos os veciños e visitantes de todas as idades que se acheguen a disfrutar da beleza e bo facer deste belén, que repercutirá, sen dúbida, na dinamización da economía local.
Quero agradecer publicamente á Deputación Provincial de Lugo por contribuír a que Viveiro continúe sendo un referente en distintos ámbitos. Esta colaboración íntegra, especialmente loable cando outras administracións basean a súa política nos recortes, permitirá neste caso, grazas á sinatura dun convenio de colaboración, que Viveiro recupere o seu belén; en moitos outros ámbitos, grazas ao apoio da Deputación Provincial de Lugo, o Concello de Viveiro pode desenvolver proxectos que, sen a súa axuda, non serían posibles. Por todo isto, é necesario agradecer a D. José Ramón Gómez Besteiro, presidente da Deputación, polo seu apoio a Viveiro e á vicepresidenta, Dª. Lara Méndez López, por estar na inauguración do belén en representación desa administración.
Debo agradecer, así mesmo, o traballo de todas aquelas persoas que fan posible que este belén sexa un éxito, felicitando a todo o equipo polo excelente traballo realizado e que ademais, neste ano, se viu incrementado ao ser necesario restaurar algunhas figuras que non estaban correctamente conservadas. En definitiva, é unha honra que no Concello de Viveiro haxa xente que posúa estas cualidades artísticas excepcionais para facer do noso belén un lugar máxico.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
