O Presidente da Deputación, José Ramón Gómez Besteiro, e a Alcaldesa de Viveiro, María Loureiro, deron conta este martes do proxecto da que será a maior reordenación do tráfico rodado das últimas décadas e que será posible grazas ao financiamento da Deputación de Lugo. No acto, que tivo lugar no propio Concello, Gómez Besteiro destacou que esta reordenación “é moito máis ambiciosa que un simple lavado de cara: trátase de facer de Viveiro unha localidade máis cómoda, moderna e accesible para veciños e visitantes, desconxestionando o tráfico e aumentando a seguridade dos viandantes”.
Este plan de reordenación é unha vella reivindicación dos veciños de Viveiro, e así o manifestaron coas súas propostas para a elaboración dos Orzamentos Participativos de 2015”, os primeiros dunha Deputación en España. Deste xeito, o organismo provincial lugués continúa dando resposta ás peticións concretas que os lucenses fixeron no eido das infraestruturas, ao igual que xa fixo con outras actuacións longamente reclamadas, como o arranxo da estrada que une o Concello lucense de Xermade co coruñés de As Pontes de García Rodríguez ou os accesos ao Pazo de Tor, por citar algúns exemplos.
Valor engagido para o turismo
Gómez Besteiro subliñou que esta reordenación do tráfico rodado en Viveiro, a maior das últimas décadas e cuxas actuacións iniciáronse baixo o mandato do anterior alcalde, Melchor Roel, encamiñada a desconxestionar a circulación de vehículos e peonalizar o casco histórico “contribuirá a revalorizar o atractivo turístico de Viveiro, protexendo e engadindo valor a unha contorna de gran singularidade histórica, ao facilitar o acceso a estes espazos de todos os veciños e visitantes eliminando posibles barreiras arquitectónicas”.
Pola súa banda, a Alcaldesa María Loureiro agradeceu á Deputación “unha axuda fundamental para que o Concello poida acometer melloras desta trascendencia”. Loureiro destacou a importancia destas melloras, encamiñadas a desconxestionar o intenso tráfico que Viveiro soporta, especialmente nos meses de verán, e conseguir dar un uso practicamente residencia e peonil ao casco histórico de Viveiro, o que repercutirá positivamente no seu atractivo turístico.
Ambicioso proxecto
As actuacións levaranse a cabo en sete zonas diferenciadas. A primeira delas correspóndese co cruce de Verxeles que dá acceso á ITV e á estación de ferrocarril, onde se creará unha rotonda que permita xirar a vehículos pesados. Na segunda destas zonas, o cruce de acceso ao casco histórico dende Verxeles, crearase outra rotonda que permita regular o tráfico e o acceso ao casco histórico.
Tamén se actuará na zona próxima á Misericodia, reducindo as dimensións da rotonda e as beirarrúas existentes para mellorar a maniobrabilidade dos vehículos e cambiando a ubicación actual do paso de peóns.
No tramo comprendido entre a Ponte da Misericordia e a rotonda da oficina de turismo aumentarase a dimensións das beirarrúas, soterraranse contenedores de lixo e crearase unha zona de carga e descarga. Nesta mesma zona tamén se reconfigurará a entrada e saída dos vehículos: a entrada realizarase fronte á praza de abastos e a saída pola rotonda da oficina de turismo, cambiarase a ubicación dos pasos de peóns e instalaranse novos semáforos. Na zona da Cruz Roxa tamén se reubicará o paso de peóns cara a saída da ponte e se mellorará a sinalización horizontal e vertical. Finalmente, entre a praza de Lugo e a porta de Carlos V quedará cun só carril en dirección Celeiro. Deste xeito, o espazo do carril eliminado será empregado para crear prazas de aparcamento para o casco histórico.
Estas actuacións irán acompañadas de modificacións na sinalización horizontal e vertical en todas estas zonas. Está previsto que os traballos se leven a cabo nos vindeiros meses para que estean rematados antes do comezo da tempada de verán, meses nos que o tráfico en Viveiro se intensifica notablemente.
45.000 euros para actividades culturais
Por outra banda, no mesmo convenio tamén destaca unha aportación de 45.000 euros para a organización de actividades de dinamización cultural ao longo de todo o ano. Deste xeito, a Deptuación tamén atende ás peticións realizadas polos veciños nas xuntanzas de presupostos participativos, durante as que trasladaron aos responsables provinciais a necesidade de manter actividades capaces de atraer visitantes á Viveiro máis aló da época estival.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
