Ribadeo, 12 de xaneiro de 2014. Acisa fai unha valoración moi positiva da IV Festa do Comercio, que tivo lugar o pasado sábado e que, unha vez máis, abarrotou o Cine Teatro e a rúa San Roque. Centos de persoas seguiron con moita expectación o sorteo de 1.500 euros en vales de compra.
A tarde comezou cos discursos que pronunciaron o presidente de Acisa, Roberto Ramos, e o alcalde, Fernando Suárez. O rexedor foi sorprendido momentos antes pola presenza dun simpático pequeno Nicolás, co que mantivo unha interesante conservación ante os presentes na que falaron do seu paso por Ribadeo. Desta forma Acisa quixo facer un guiño ao próximo carnaval. Roberto Ramos aproveitou a súa intervención para presentar á nova xerente de ACISA/CCA, Xana Arias, e para agradecer o traballo realizado durante seis anos á ex xerente, Beatriz Irigoyen, que recibiu un ramo de flores de mans de Manoli Torviso.
Calabash, grupo de percusión formado por alumn@s e ex alumn@s da Escola Municipal de Música de Ribadeo dirixido por Marcos Rodríguez, deleitou cos seus ritmos aos centos de asistentes á IV Festa do Comercio.
Coa axuda dunha man inocente, a de Brais, fóronse extraendo dunha urna os números das *papeletas premiadas. Juan Antonio Oliveros, posuidor do 58.413, recibiu 100 euros en vales de compra para gastar no comercio e na hostelería asociada ao longo das próximas semanas. A súa papeleta foille entregada en Pequerrechos. Mª Josefa Raño Franco, que tiña o 96.628, resultou agraciada con 200 euros en vales de compra. A súa papeleta obtívoa na barbaría Slaloms. Francisco García García, posuidor do 24.184, levouse 300 euros en vales de compra, grazas á papeleta que obtivo en Calzados A Moda. Para Sonia Meilán Vizoso, que tiña o número 8.440, foron os 400 euros en vales de compra que se puxeron en xogo no sorteo do sábado pasado. A súa papeleta foille entregada en Medias Tintas. E Jenny Cuevas Cuevas, posuidora do 19.348, foi a agraciada cos 500 euros en vales de compra da Festa do Comercio. A afortunada fíxose coa papeleta no mesón A Baixada do Oviedo.
Desde a directiva de Acisa agradecen “a afluencia masiva de asistentes ao sorteo e a implicación dos nosos asociados na festa, que fixeron que esta cita sexa, de novo, un éxito”. Dúas pantallas instaladas, unha no interior do Cine Teatro e outra no exterior, permitiron aos asistentes seguir ao detalle o que estaba ocorrendo dentro e fóra da instalación.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
