Cervo, 21 de xaneiro de 2015.- O Concello de Cervo organiza un curso de maquillaxe creativa gratuíto e dirixido principalmente a mozos e mozas de 16 a 33 anos. Aínda así, tamén poden participar persoas doutras idades, e nese caso deben contactar coa oficina da Omix para consultar os detalles. A inscrición pode facerse ata o 30 de xaneiro na Casa do Mar.
Esta actividade desenvolverase o día 21 de febreiro na Casa do Mar, en horario intensivo de 10 a 14 horas e será impartido por “Belén te pinta”, unha profesional con moitos anos de experiencia en face&body painting (maquillaxe artística de cara e corpo), con diversos recoñecementos internacionais e que recibiu formación por parte de campións do mundo de arte corporal.
Todos os participantes do curso recibirán un diploma no que a profesora certifica a súa asistencia En canto aos contidos, inclúen as técnicas de maquillaxe infantil á auga, como utilizar os pinceis, aplicar unha base, o difuminado e farán un exercicio práctico de maquillaxe por parellas. Os deseños das maquillaxes serán de fantasía, como os que se adoitan facer en festas de aniversario, de disfraces ou temáticas (Entroido, Halloween, Nadal…).
A edil de Xuventude, Yolanda Pedreira, asegura que esta é unha actividade “novidosa, na que os asistentes poderán plasmar a súa creatividade e a súa imaxinación e ao mesmo tempo iniciarse nesta disciplina da maquillaxe profesional”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
