Lugo, 21 de xaneiro de 2015.- O presidente da Xunta, Alberto Núñez Feijóo, destacou hoxe que o Plan de banda larga rematou en catro anos coa fenda dixital entre a fachada atlántica e o interior de Galicia, e avanzou o compromiso de incrementar a velocidade con 30 megas para toda a Comunidade e 200 para as cidades. “O obxectivo é que toda a poboación teña en 2020 unha cobertura dunha calidade de 30 megas de velocidade e que as cidades pasen de 100 megas e 200. Este é o noso horizonte, que é o horizonte óptimo que marca a UE para os países da Unión en 2020”, dixo, ao que engadiu que, para acadar esta meta, se investirán máis de 100 millóns de euros, que veñen sumarse aos 230 millóns que desde 2010 -entre financiamento público e privado- se levan investidos.
Así mesmo, resaltou que existe un compromiso de investimento dos operadores móbiles en núcleos de menos de 5.000 habitantes, derivado do proceso de reparto do dividendo dixital.
O titular da Xunta, que presidiu este mediodía o acto de presentación do Plan de banda larga: presente e futuro, salientou que este plan logrou que o acceso a internet sexa universal na Comunidade: “Hoxe podemos dicir que practicamente o 100% das persoas que viven en Galicia teñen acceso a unha banda larga de, como mínimo, dous megabytes por segundo”, aseverou.
A nivel municipal, o titular do Goberno galego subliñou que, mentres en 2010 só dous concellos de toda a Comunidade podían garantir que a súa cobertura de internet acadase ao 90% da poboación, hoxe son 309; “é dicir, multiplicamos por 154 e os cinco concellos restantes teñen unha cobertura entre o 70% e o 90%”.
Diante destas cifras, Feijóo salientou que hoxe os fogares galegos poden dispoñer dunha conexión a internet digna, “reducimos as desigualdades que tiñamos hai catro anos e as tecnoloxías son un dos motores económicos que nos situarán no proceso de consolidación da recuperación da nosa economía”.
Durante a súa intervención, o mandatario galego resaltou que o Goberno autonómico apostou pola Lei de impulso e ordenación das infraestruturas de telecomunicacións de Galicia; unha lei que segundo aseverou crea un entorno favorable para o investimento dos operadores e impulsa a extensión das infraestruturas de comunicacións por todo o territorio galego.
Sobre este aspecto, explicou que en 2013, as grandes empresas deste sector asinaron co Goberno galego o Pacto Tecnolóxico, que selou o compromiso investidor das principais compañías tecnolóxicas en Galicia.
O responsable do Goberno galego referiuse así a R como un dos exemplos máis destacados de empresa de novas tecnoloxías con alma galega, e que entre 2014 e 2015 investirá 95 millóns de euros en mellorar o seu servizo e ampliar as velocidades de acceso. E precisou que Telefónica dedicou, en 2014, 50 millóns a levar a fibra óptica aos fogares galegos e outros 14 en estender na comunidade a tecnoloxía 4G, mentres que Vodafone comprometeu 70 millóns de euros en desenvolver tamén as súas redes 4G e en ampliar a cobertura 3G nas poboacións de menos de 1.000 habitantes.
Feijóo fixo fincapé en que unha internet para todos, sen distinción de lugar de residencia é o compromiso firme da Xunta “e que hoxe podemos dicir que temos acadado”. E concluíu, incidindo no obxectivo de incrementar a velocidade e a calidade, pasando de 2 megas a 30 megas e de 100 megas a 200 nas cidades, “porque Galicia -dixo- ten que estar plenamente integrada na economía global e non hai economía global sen a dixitalización das nosas empresas e fogares”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
