O Pleno Provincial aprobou cos votos a favor de PSOE e BNG a moción que esixe á Xunta de Galicia que concerte prazas nos centros públicos de maiores que constrúe a Deputación nos Concellos, investindo en solitario 15 millóns de euros. O PP votou en contra desta proposta, tentando bloquear esta rede pública de residencias e centro de día na provincia. O Presidente replicou que “non queren prazas públicas porque non lles interesa este modelo de xestión. No 2011, cando me reunín coa Conselleira de Benestar, dixo que as preferencias non pasaban pola concertación de prazas en Lugo, que as preferencias estaban no eixo atlántico. Coa nosa situación poboación, cando Lugo xa é a novena provincia en Europa e a terceira en España coa maior porcentaxe de maiores, o dramático é que sega a ser Conselleira. Dende 1977, non se creou ningunha praza pública na Comarca de Lugo, que conta con 200.000 habitantes”. Precisamente, os veciños do partido xudicial de Lugo pediron prazas públicas en residencias e centros de día durante a elaboración dos Orzamentos Participativos de 2015, ao igual que o fixeron os de Becerreá e Mondoñedo.
Os últimos datos oficiais feitos públicos indican que a provincia de Lugo conta con 662 prazas públicas residenciais cando precisa de, polo menos, 1.228 para acadar os ratios mínimos de cobertura asistencial. Son datos do Mapa Galego de Equipamentos Sociais, elaborado pola Xunta de Galicia. A Deputada de Economía, Recadación e Facenda, Pilar García Porto, denunciou “o veto do goberno galego ao acceso a esta información para ocultar o financiamento a centros privados”. O Rexistro de Entidades Prestadoras de Servizos Sociais apuntan que a Xunta concerta 3.036 prazas en centros privados da Comunidade.
As prazas públicas supoñen unha redución de ata o 50% nos custes para os usuarios. A Xunta de Galicia é a administración galega competente para levar a cabo a concertación das mesmas. O obxectivo desta moción é favorecer o acceso universal aos centros para maiores da Deputación, posto que no 2015 abrirá os 6 primeiros.
Presupostos Participativos
Cos votos a favor de PSOE e BNG, e co voto en contra do PP, o Pleno aprobou a moción que esixe a Feijóo e Rajoy que cumpra coas 65 peticións de investimentos e medidas concretas que lles fixeron os lucenses durante a elaboración do Orzamento Participativo da Deputación. Gómez Besteiro avanzou que “tal e como nos comprometemos cos veciños, vamos a trasladar estas peticións ás administracións responsables en darlles resposta. Tamén nos pediron iniciar antes este proceso, non no verán, polo que nas vindeiras semanas poremos en marcha o proceso de elaboración do Presuposto Participativo de 2016”. Neste senso, convidou ao PP a “non dar de novo as costas” a este proxecto. “Sexan prudentes e adíquense a escoitar á xente, tanto as cousas boas como as malas, porque hai outra forma de facer política e de ser máis eficientes”.
Destas 65 peticións veciñais, 54 son de competencia autonómica. Por exemplo, dotar ao HULA de Radioterapia, Hemodinámica as 24 horas e Medicina Nuclear; impulsar residencias e centros de día na Comarca de Lugo, en Becerreá e en Mondoñedo; poñer en valor o antigo Hospital Xeral; plans de impulso do Camiño de Santiago e recoñecer oficialmente o Camiño de Inverno; rematar os corredores da Costa e de Monforte, o Plan Paradai de Lugo ou a Rolda Leste; así como adecuar a Lei de Montes á realidade galega, entre outras. As restantes 11 peticións son de responsabilidade estatal e refírense principalmente a infraestruturas: as autovías Santiago e Ourense; mellorar a sinalización e seguridade na A-8 ou a estación intermodal de Lugo.
POS 2015
A Deputación mantén o Plan de Obras e Servizos 2015 na provincia a pesares do financiamento cero do Goberno Central por 4º ano consecutivo. O Pleno aprobou achegar preto de 2 millóns de euros de fondos provinciais para a execución deste plan. A previsión é engadir a esta cantidade 1,2 millóns de fondos municipais. Deste xeito, o POS superaría os 3 millóns de euros, financiados nun 60% pola Deputación e nun 40% polos Concellos. Anteriormente, estaba financiado nun 50% polo Executivo estatal, nun 25% polas Deputacións e nun 25% polos municipios. Foi así ata 2012, cando o actual Goberno central decidiu suprimir a achega estatal a esta programación, sendo a primeira vez na historia da democracia que acontecía isto. Gómez Besteiro subliñou que “iniciamos a tramitación deste plan de obra pública para os 67 Concellos coa axuda da Deputación, posto que o Goberno Central nin está nin se lle espera, ao igual que aconteceu no 2012, 2013 e 2014”.
O Presidente replicou ao PP, que se abstivo na votación, “non me gustan as comparacións, pero a Deputación está comprometida co emprego e os servizos sociais na provincia ante a falta de investimentos doutras administracións”. A Deputación puxo en marcha con 5 millóns de euros o Ben Empregado! e, ante o seu éxito, xa está a traballar na segunda edición deste plan, achegando outros 6 millóns. De feito, o organismo provincial adica tres veces máis ao fomento do emprego na provincia que a propia Xunta, que é quen ten as competencias. Ano tras ano, aumentou o investimento para servizos sociais, posto que a Xunta suprimiu o financiamento para servizos sociais en 66 Concellos lugueses. No 2015, incrementouno nun 30% con respecto a 2014, destinando 4,5 millóns de euros.
Pola súa banda, o Deputado de Xestión Territorial subliñou que “mantemos o investimento provincial para POS de épocas de bonanza, co PP no Goberno desta institución”. Manuel Martínez explicou que os Concellos deberán propor agora as súas respectivas obras. Posteriormente, serán aprobadas no seu conxunto polo Pleno Provincial.
Emigrantes retornados
O colectivo de Emigrantes Retornados da Mariña acudiu á sesión plenaria na que se aprobou, cos votos a favor de PSOE e BNG, e o voto en contra do PP, unha moción instando ao Goberno Central a resolver o problema das súas pensións.
Acordo maioritario
O Pleno ratificou, aínda o voto en contra do PP, o acordo maioritario que avalaron máis do 80% dos traballadores da Deputación e referendou a Xunta de Persoal e o Comité de Empresa, que supón a mellora das condicións de traballo do persoal do Parque Móbil, posto que se regulariza a súa xornada laboral, tendo en conta factores como a deslocalización do servizo ou a dispoñibilidade.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
