O Presidente da Deputación de Lugo, José Ramón Gómez Besteiro, enviou este mércores 49 cartas ao titular da Xunta, Alberto Núñez Feijóo, e 8 ao xefe do Goberno central, Mariano Rajoy, para facerlles chegar todas peticións que lles realizaron os veciños da provincia durante o proceso de elaboración dos Orzamentos Participativos do organismo provincial. Deste xeito, Gómez Besteiro cumpre coa palabra dada aos lucenses, tan só un día despois de que o Pleno, coa negativa do Partido Popular, aprobase darlles traslado a Feijóo e Rajoy dos 65 investimentos e medidas concretas demandadas polos veciños que son competencia autonómica e estatal.
Besteiro enviou unha carta por cada un dos 49 veciños que a título individual, ou ben en representación dunha asociación, demandaron iniciativas que son de responsabilidade da Xunta e do Goberno central, ou ben necesitan da imprescindible colaboración destas administracións para poder saír adiante.
“Os veciños piden e nós actuamos. Primeiro fixémolo nós na Deputación; estudamos tecnicamente toda as propostas e respondémoslles a todos os veciños, punto por punto e de xeito argumentado, se as súas demandas foron admitidas ou non, por que razón, e en que prazo se levarán adiante”, asegurou o Presidente. “De feito, xa temos en marcha os 17 primeiros proxectos froito das propostas que nos fixeron os veciños nos Orzamentos Participativos”, engadiu. “Agora tócalle á Xunta e ao Goberno central. Xa non pode mirar para outro lado. Non permitiremos que as peticións que lles fan os lucenses queden nun caixón porque faremos un seguimento”, afirmou.
As preocupacións dos lucenses
Os lucenses reclámanlle á Xunta, entre outras moitas cuestións, que dote canto antes ao Hospital de Lugo de Radioterapia, Medicina Nuclear e Hemodinámica as 24 horas; residencias públicas da terceira idade na comarca de Lugo, en Becerreá e en Mondoñedo; un plan urxente para poñer en valor o antigo Hospital Xeral; plans de impulso do Camiño de Santiago, e que declare oficial o Camiño de Inverno; que remate os corredores da Costa e de Monforte, o Plan Paradai de Lugo, e a Rolda Leste; ou que aposte economicamente polo rural adecuando a Lei de Montes á realidade galega, con redes de saneamento, potenciando a biomasa e o sector forestal, as cooperativas agrarias e gandeiras, e os produtos agroecolóxicos.
Polo que respecta ás demandas dirixidas ao Goberno de Rajoy, refírense sobre todo a infraestruturas. Os lucenses piden as autovías a Santiago e Ourense, a mellor sinalización e seguridade da A-8 ou a estación intermodal de Lugo.
Dando traslado a Xunta e Estado destas demandas “seguimos cumprindo os compromisos que adquirimos cos máis de 55.000 veciños da provincia que deron a súa opinión para elaborar os Orzamentos Participativos deste 2015, os primeiros dunha Deputación en España”, recalcou o Presidente.
Gómez Besteiro insistiu en que o alto número de peticións veciñais que recibiu a Deputación e son competencia autonómica demostran, “non só que a Xunta ten moito que facer en Lugo, senón que os lucenses xa non a identifican como unha administración que lles soluciona os seus problemas, polo que teñen que acudir a nós para desbloquear a parálise do Goberno de Núñez Feijóo”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
