O Valadouro, 3 de febreiro de 2015. A Asemblea Local do BNG en Alfoz-Valadouro lamentou o “espectáculo pouco produtivo” ofrecido polo grupo de goberno no debate sobre a moción presentada na que se demandaban fondos económicos e prazos de execución para executar as obras necesarias para dotar aos dous concellos do Val dunha canceira. Á vista das declaracións do alcalde e mesmo o voto negativo dun dos concelleiros do PSOE no grupo de goberno, o grupo municipal encabezado polo Alcalde, Edmundo Maseda, perdeu os nervios e non soubo asumir a súa situación en minoría dentro da corporación rememorando as formas e a falta de diálogo do anterior alcalde do PP.
Para a formación nacionalista no Valadouro, o alcalde e o seu grupo de goberno non souberon converter a moción presentada polo BNG que traía o aval de mais de 400 sinaturas para dotar de financiamento e prazos de execución dunha canceira, nun argumento para aprobala sen debate, mais ben ao contrario, pareceu que a moción e as 400 sinaturas molestase ao alcalde ate o punto de que un dos seus concelleiros chegou a votar en contra.
As declaracións ofrecidas polo alcalde nun medio de comunicación sobre a moción do BNG, cuestionando a súa presentación despois de ter votado en contra dos orzamentos municipais “son inconsecuentes e pouco reflexivas; sabe o alcalde e o seu grupo de goberno formado por PSOE e UDIVAL cales foron as condicións para apoiar a súa investidura e para aprobar os orzamentos de 2014 polo tanto saberá tamén cantas desas condicións incumpriron”.
Na mesma liña, a formación nacionalista advertiu á alcaldía que debe cumprir os compromisos adquiridos coa Asociación Protectora de Animais Valadouro-Alfoz; o labor do BNG foi darlle traslado institucional á demanda da protectora.
Do mesmo xeito, lémbralle unha vez máis ao goberno local que apenas se cumpriron as promesas realizadas á veciñanza das parroquias nas asembleas para a confección de orzamentos participativos, proxecto pioneiro levado a cabo a instancias do BNG.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
