A Vicepresidenta Segunda da Deputación, Lara Méndez, presentou este mércores no Instituto Marqués de Sargadelos a xornada gratuíta Véndete para emprender!, que acollerá este centro educativo o vindeiro xoves 12 de febreiro tras o seu éxito na Deputación e no Instituto Centro Integrado Porta da Auga de Ribadeo, onde participaron máis de 200 persoas. Trátase dunha charla motivacional organizada pola Deputación de Lugo coa colaboración do Grupo Acción Consciente e o propio centro educativo, dirixida principalmente ao alumnado de 2º de bacharelato e ciclo superior, tanto do IES Marqués de Sargadelos como do IES Illa de Sarón de Xove.
No acto, no que tamén estivo presente o Deputado de Economía do Coñecemento, Emprendedores e Innovación, Alfredo Llano, o director do Marqués de Sargadelos, Eduardo Gallo; o Presdiente da Asociación de Nais e Pais de Alumnos deste instituto, Francisco Malla, e unha integrante deste colectivo, Luján Ramos, Méndez subliñou o “profundo compromiso que ten a Deputación co desenvolvemento de políticas dirixidas a reactivar o mercado laboral, e máis nun momento tan complicado como o actual. A Mariña pechou o 2014 con máis de 5.600 desempregados, o peor mes para o emprego dende que hai estatísticas oficiais, perdendo nos últimos anos 176 empresas. Por iso dende a Deputación, aínda que non temos competencias directas en emprego, puxemos en marcha varios programas de inserción laboral, como o Pacto polo Emprego II, ou o Ben Empregado, cuxa segunda edición se porá en marcha en breve debido ao seu éxito, incrementándose a súa dotación ata os 6 millóns de euros”.
Pola súa banda, os representantes do instituto destacaron a importancia deste tipo de accións que ademais de complementar a formación reglada son de grande interese para afrontar a situación actual.
Baixo o título Véndete para emprender!, o “coach” profesional, relator e formador Felipe García Rey revelará as aptitudes e as actitudes necesarias para enfrontarse con éxito á busca de emprego e chegar á entrevista de traballo con pleno coñecemento e seguridade nun mesmo. A charla baséase en analizar temas como a motivación, a xestión dos medos ou a creación dunha marca persoal.
A asistencia á conferencia, que se celebrará entre as 10:00 e as 13:00 horas na aula de usos múltiples do instituto, é totalmente gratuíta, unicamente limitada ao aforo do espazo, que é de 70 prazas.
Traxectoria do poñente
Felipe García Rey é socio-director do Grupo Acción Consciente, “coach” profesional, poñente motivacional, formador e un dos primeiros profesionais acreditados en España para o uso de técnicas de dinámicas de alto risco e firewalking. Na actualidade está completando o grao universitario en Psicoloxía. Articulista habitual e membro do comité de redacción do Observatorio Europeo de Coaching, formouse sobre habilidades directivas, desenvolvemento profesional e persoal, intelixencia emocional, liderazgo, negociación persuasiva ou xestión do tempo. Ademais é membro e colaborador de AECOP (Asociación Española de Coaching y Consultoría de Procesos), ASNIE (Asociación Nacional de Inteligencia Emocional) e mentor da Fundación Barrié e Talentous.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
