Foz, 20 de febreiro de 2015. Con motivo da visita a Foz por parte da conselleira de Traballo e Benestar, Beatriz Mato, o alcalde focense, Javier Jorge Castiñeira, anunciou o inminente inicio da construción dunha nova zona cuberta nas instalacións da escola infantil da Galiña Azul. O rexedor tamén destacou o gran avance nas obras do xeriátrico, que se están realizando a un ritmo fabuloso.
“Dende o grupo de goberno do Concello de Foz valoramos moi positivamente a visita da conselleira de Traballo e Benestar, Beatriz Mato, que é un departamento da Xunta de Galicia que está comprometido co noso concello, xa non só polo incremento de máis do dobre que houbo nas prazas de dependencia, dos tres obradoiros nos que participou o Concello de Foz e moitos cursos de formación que financiou esta consellería, senón tamén polo asunto de hoxe, a visita ás obras do xeriátrico de Foz. É quizais a actuación máis demandada nos últimos anos e que grazas ao compromiso desta consellería e desta conselleira se está facendo, mediante o Consorcio Galego de Benestar, e estase construíndo a un ritmo fabuloso, como ben puidemos comprobar”.
Javier Castiñeira engadiu: “estamos contentos porque se van cumprir os prazos perfectamente, senón non xurde ningún contratempo, para que a obra sexa entregada a finais deste ano 2015, tal e como prometemos tanto a conselleira como eu mesmo; quizais incluso se poida adiantar o remate da obra uns meses, segundo nos di o propio contratista. Estase construíndo a bo ritmo e sen ningún tipo de incidentes, a dirección facultativa esta contenta e o financiamento está completamente asumido pola Consellería de Traballo e Benestar, a través do Consorcio. Polo tanto estamos contentos por esta visita e moi animados porque sabemos que este compromiso que tiña a Consellería e o propio Concello vai ser realizado”.
O alcalde tamén destacou que “para a semana que vén está previsto que empece xa a construción dunha marquesiña na parte traseira da gardería da Galiña Azul, que cubrirá a zona infantil que está descuberta. É unha petición que me fixeron a min a directora, os profesores e tamén os pais dos nenos e nenas que están na Galiña Azul, polo que fixemos as xestións e agora chegan ao seu fin porque durante a semana próxima iniciaranse os traballos de cubrición desa zona infantil. Polo tanto estamos contentos porque novamente esta conselleira cumpre cos seus compromisos e queremos agradecerllo publicamente todos os membros do grupo de goberno, os cales sabemos que a Xunta de Galicia respondeu como administración cos asuntos importantes de benestar e de traballo do concello de Foz”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
