Ribadeo, 4 de marzo de 2015. Acisa Ribadeo ven de presentar diante da Dirección Xeral de Conservación da Natureza alegacións ao plan de conservación do monumento natural das Catedrais. A Asociación de Comerciantes, Industriais, Servizos e Autónomos pide unha serie de melloras nas escaleiras de baixada á praia e que se incremente a vixilancia no acceso a determinadas zonas co obxectivo de evitar que se poidan producir accidentes.
Nas súas alegacións Acisa tamén se refire ao procedemento proposta para a distribución das entradas/pases que permitan visitar a praia: “non cremos que iso vaia evitar as aglomeracións. Consideramos que non se exerce un control sobre o usuario, co que se prevé un posible foco de desinformación e caos. Desde Acisa Ribadeo propoñemos, a parte da canle de control establecido pola Xunta (a web), a posibilidade de distribución de entradas desde entes públicos sitos en Ribadeo, como a oficina de turismo ou outro lugar que se considere pertinente para ese fin, e desde os hoteis e restaurantes da localidade e/ou adheridos á nosa asociación”.
Segundo a Asociación de Comerciantes, Industriais, Servizos e Autónomos de Ribadeo “esta medida, que pretende asociar a vila de Ribadeo ao areal, conlevaría o establecemento dun sistema de autobuses lanzadeiras que realmente alixeiren a afluencia de coches no aparcamento da praia. Esta posibilidade tamén plantexa a oportunidade de ofrecer un servizo de guía incluído nas lanzadeiras, posibilitando xestionar os recursos humanos dun xeito óptimo, evitando posibles desastres e confusión ante as aglomeracións”.
Outra das medidas proposta por Acisa “e non excluinte, sería a do cobro polo servizo de vixilancia e aparcamento, posto que un aparcamento no que vaian confluír 4.967 persoas pode resultar un lugar conflitivo”.
E engaden que “no referente ao acceso á zona da praia, consideramos escasa a súa regulación a nivel de infraestruturas, considerando como de alta prioridade a reestruturación das escaleiras de acceso á praia. Deberíase posibilitar a marcha en dúas direccións, subida e baixada, separadas, quizais, por una varanda. E a vixilancia e/ou guía do usuario, considerando a perigosidade patente no acceso a certas zonas do paseo”.
Acisa cre “moi convinte a revisión das estratexias do plan de regulación do monumento natural da praia das Catedrais: propoñendo outras posibles estratexias, como as aquí plantexadas, que axuden a regular o acceso ao monumento á vez que impliquen á comarca á que pertence”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
