Ribadeo, 11 de marzo de 2015. O Concello está a construír pasos elevados na rúa Virxe do Camiño, na rúa Alza e no camiño da Palmeira, na parroquia de Ove. O alcalde, Fernando Suárez, explica que deste xeito se atenden as demandas veciñais e as suxestións realizadas pola Policía Local, xa que por esas zonas os coches circulan a velocidades indebidas.
O rexedor dixo que “aproveitando as suxestións que nos fai periodicamente a Policía Local e unha serie de recomendacións de veciños de zonas especialmente sensibles, estamos construíndo uns novos pasos de peóns elevados, destas construcións que limitan a velocidade dos vehículos sen maior encordio para eles sempre que efectivamente non pasen a velocidades estratosféricas”.
Suárez Barcia indicou que “se está construíndo un na rúa da Virxe do Camiño, outro na rúa Alza e outro no camiño da Palmeira, na parroquia de Ove. Son lugares onde habitualmente os vehículos pasan a velocidades que non son as axeitadas e o día menos pensado podíamos ter algún accidente ou atropelo”.
O alcalde ribadense engadiu que “estamos traballando neste sentido para atenuar a velocidade dos vehículos nesas zonas, así como estamos facendo tamén unha reposición de panos de aglomerado asfáltico en lugares que tiñan problemas, como poden ser a avenida Rosalía de Castro, a rúa Luz Pozo Garza, a estrada das Aceas, en Ove, ou nun tramo da estrada do Monte, en Vilagüiz. E tamén nestes días, aproveitando o bo tempo, estamos continuando cos traballos de rebacheo nas parroquias do interior para ir intentando mellorar esta rede municipal de camiños tan grande que temos e que sempre adoece de problemas. Intentamos na medida das posibilidades ir actuando sobre todos eles”.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
