Nota de Prensa
Informes internos da Deputación recoñecen a inexistencia de contratos de subministros
• O voceiro adxunto dos populares, José María González Barcia, afirma que a Xunta de Goberno voltou a validar hoxe facturas por importe de máis de 300.000 euros con disconformidade no gasto
• Os populares pídenlle a Besteiro que non minta máis, que reduza o autobombo e que se poña a traballar
Lugo, a 3 de setembro de 2009.- O Grupo provincial do Partido Popular asegurou que a Deputación de Lugo practica o “engano e a mentira ós cidadáns porque o que din nos medios de comunicación non se corresponde cos informes internos” que manexan, ó tempo que acusan ós seus responsables de ocultar información “descaradamente e para tentar tapar a súa vagancia e o despilfarro”.
O voceiro adxunto dos populares, José María González Barcia, afirmou que a Xunta de Goberno, na súa sesión de hoxe, validou facturas con disconformidade do gasto, correspondentes todas elas ó presente exercicio de 2009 e que, segundo aclara, “nada teñen que ver con actuacións da etapa anterior”, por importe de 307.652’13€ (algo máis de 51 millóns de pesetas).
Pero para González Barcia “o máis destacado” non é xa a “nada desdeñable” cuantía senón “o contido dos informes” que acompañan a varias destas facturas, e que demostran, segundo asegura, que “Gómez Besteiro está mentindo e non é de fiar porque está a xogar alegremente cos cartos de todos os cidadáns da provincia”.
Así, un primeiro bloque, conformado por dúas facturas e que suma 60.839’14€, correspóndese coa limpeza do San Rafael durante os meses de xuño e xullo do presente ano. Un informe do pasado 3 de xullo e que se incorpora ó expediente recoñece que non hai contrato, e que “…descoñécense as causas polas que non se iniciou o procedemento… a tal efecto”.
Un segundo bloque de facturas fan referencia á limpeza do Museo Provincial e a determinados espacios do Hospital de Santa María, e ascenden a 23.744’75€. As facturas referidas ó Museo, que son dúas e corresponden a xuño e xullo do presente ano, teñen sendos informes, un de 07/07/09 e outro de 06/08/09, nos que se indica o mesmo sobre a inexistencia de contrato: “…este servicio tén presentados os informes correspondentes de contrato maior…” para o inicio do procedemento.
As facturas referidas á limpeza no Hospital de Santa María, tres en total, adxuntan dous informes de 02/07/09 e de 01/08/09 respectivamente, nos que se fai constar expresamente que “rematou o contrato e non hai contrato novo asinado”.
O bloque destinado á subministración de diversos productos e servicios ó Hospital San Rafael suma algo máis de 40.000’00€. Hai dous informes, un de 03/07/09 e outro de 08/08/09, que din literalmente: “… da presente factura non existe contrato, e descoñécense as causas polas que non iniciou o procedemento… unha vez que xa fora remitida o 17/11/08 a proposta para a adxudicación do contrato deste tipo de subministros. Atópase esgotada a partida económica destinada a cubrir esta subministración”.
Un último bloque fórmano dúas facturas referidas, “esta vez si”, á conservación e mantemento da rede viaria provincial. En total, preto de 188.000’00€. Unha delas relativa á zona de Navia de Suarna, e a outra á zona de Ribadeo. Pero hai dous informes nos que consta expresamente que “…o contrato anterior con esta empresa extínguese o 28 /01/09 e non se asina novo contrato hasta o 04/05/09”.
Todos os informes citados están asinados por persoal da Deputación, xefes de servicio ou similares, e demostran, segundo Barcia, varias cousas:
– Ningunha das facturas que pasa pola Xunta de Goberno con disconformidade do gasto corresponden á etapa anterior, “polo que Gómez Besteiro minte cando di o contrario”.
– Non houbo ningunha previsión de renovación de contratos ou de convocatoria doutros novos, tal e como se desprende dos propios informe que están no expediente.
– Son os propios funcionarios os que están alertando da situación, e o bigoberno, encabezado por Besteiro e Bao, non fai nada. “Están instalados na vagancia e na desidia, e no caso particular de Gómez Besteiro, na autocomplacencia”, asegura o voceiro adxunto do GPPP.
– Existe pouco ou ningún control político sobre o gasto e sobre o rigor que debe presidir a xestión dunha institución como a Deputación.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
