O BNG de Xove vén de pedir unha certificación á secretaría do Concello verbo das mocións, rogos e preguntas presentadas polos grupos municipais ao longo da presente lexislatura, coa finalidade de dar a coñecer de maneira pública o intenso traballo desenvolvido polo Grupo Municipal Nacionalista (con dous concelleiros) en comparación co Grupo Municipal do PP (oito concelleiros) e o do PSOE (un concelleiro).
G.M. Partido Popular
Mocións:5
Rogos: 0
Preguntas: 0
G.M. BNG
Mocións: 16
Rogos: 8
Preguntas: 37
G.M. PSdeG-PSOE
Mocións: 0
Rogos: 0
Preguntas: 0
As propostas do BNG, entre moitas outras iniciativas, defendidas tanto por Marco López como por Xosé Hermida -segundo o tipo de proxecto que se pretendía debater no pleno- van “dende a proposta de creación do conxunto etnográfico baleeiro de Morás até a aprobación por unanimidade da moción para o control da herba da Pampa, pasando pola iniciativa de sinalizar a parada de taxis e retirar a cabina telefónica obsoleta que estaba situada fronte ao Hotel Mera ata instar á mellora do acceso á escola municipal de música ou a preceptiva fiscalización da acción de goberno nalgúns feitos destacados como, por exemplo, na esixencia de responsabilidades políticas tras o cobro de dietas desde a alcaldía pola asistencia do primeiro edil á manifestación dos traballadores de Alcoa na Coruña”.
“Tal e como se inclúe no editorial do no noso boletín O Aguillón que se enviará aos preto de 1.200 domicilios do noso concello a vindeira semana, ninguén dubidará que somos a día de hoxe a única alternativa crible e real á parálise do Partido Popular no noso municipio, con mocións e opinións críticas e fundadas en todos os debates plenarios froito dun traballo exhaustivo. Unha alternativa seria e dialogante, a nosa, que non se parapeta en posicións pechadas nin en solucións milagreiras que funcionan á perfección nos platós televisivos”, asegura Marco López.
O goberno local “da mostras sobradas de cansanzo e apatía. Lonxe lles quedan certas promesas electorais feitas nos tempos do AVEXO e moitos ambiciosos proxectos dos que non se volveu saber nada a pesares de ser Xove un xardín financeiro. O noso concello continuou nestes anos perdendo poboación e foi incapaz de converterse na Mariña en centro e referencia de nada, nen culturalmente, nen deportivamente, nen na creación de emprego, e iso xogando cunha vantaxe decisiva sobre o resto dos municipios circundantes nestes tempos de crise económica. Diante desta realidade dun Partido Popular en caída libre e aprobando medidas que antentan contra os dereitos máis elementais da xente case a diario, asistimos a unha ausencia de ideas no PP local que non consegue mellorar de xeito xeral o concello e moito menos maquillar unha acción gobernativa completamente paralizada e anquilosada no peor dos populismos”, conclúe.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
