Riotorto, 9 de abril de 2015. A novena edición da Feira da Artesanía do Ferro de Riotorto ofrecerá o domingo 19 deste mes, domingo, demostracións en vivo, obradoiros, mostra de artesanía, actuacións musicais e outras actividades dende as 11.00 ata as 19.30 horas.
O alcalde de Riotorto, Federico Gutiérrez Estoa, explicou que “o domingo da semana que vén, 19 de abril, celebraremos a novena edición da Feira da Artesanía do Ferro, unha artesanía que é un potencial singular do concello de Riotorto e algo que nos distingue dos demais municipios, xa non só da comarca senón de todo o país. Consideramos que é un recurso que temos que potenciar porque ten moitas posibilidades tanto na dinamización económica como na turística do concello. Este ano, como ocorreu nos anteriores, contamos ter unha asistencia masiva de xente de todo o país, pois é unha feira que xa está consolidada, como se demostrou en edicións anteriores, cunha afluencia de miles de persoas. Seguramente este ano será tamén un éxito de asistencia”.
O secretario da Asociación para a Promoción Social dos Ferreiros de Riotorto, Ángel Villada Moirón, comentou que “esta feira que facemos dende hai 9 anos segue medrando, cada vez atrae a máis visitantes e tamén a máis expositores. O traballo da nosa asociación céntrase basicamente nas demostracións en vivo da artesanía do ferro e contamos sempre cos ferreiros de Riotorto, tamén con outros da provincia e este ano temos unha novidade, pois ven a sétima xeración dunha familia de ferreiros de Navarra”.
Ángel Villada destacou que “a inauguración vai ser ás 12.00 e a partir de aí empezarán as demostracións en vivo cos ferreiros de Riotorto, os da Fonsagrada, un ferreiro de Santiago, que é Alberto Leis; temos un obradoiro infantil que o fai Friedrich, que é un ferreiro austríaco afincado nos Oscos, e este ano teremos a novidade de contar coa asociación de forxa de Navarra, que vai estar tamén demostrando durante todo o día o traballo que eles fan co ferro. Arredor do ferro temos tamén varios obradoiros: un deles de alfarería, a cargo de Os de Laura, de Buño; un de tear, que o vai facer Noela Feal, de Vilalba; e outro de torneado de madeira, a cargo de Jesús Iglesias, que é de Ortigueira. Entón durante toda a xornada, dende pola mañá ata as 19.30 horas, van estar facendo demostracións en todos estes obradoiros”.
O secretario da asociación de ferreiros de Riotorto engadiu que “tamén teremos un pavillón con 35 expositores doutro tipo de artesanía e ademais haberá animación de rúa a cargo de varios grupos de teatro, estarán tamén os gaiteiros de Riotorto animando polas rúas e o coro de Riotorto actuará na inauguración da feira. Invitamos a toda a xente que queira vir a Riotorto, porque sacamos aos ferreiros das súas forxas para que demostren o seu traballo ao aire libre. E todo o mundo que queira vir pode pasar todo o día en Riotorto, pois temos programa de actividades para toda a xornada e haberá unha carpa grande para que poidan comer racións de polbo e doutro tipo de comidas. Animamos a toda a xente a que nos visite.”
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
