A Federación de Comercio da Mariña (A Mariña Federación) e a Compañía Repsol asinaron un convenio de colaboración, segundo o cal a mencionada entidade (Repsol) ofrece unha mellora nos seus servizos a todos os asociados da Mariña Federación.
Este convenio supón unha mellora nos prezos do gasoil e a gasolina para turismos, e no gasoil agrícola, a nivel nacional, ademais dunhas condicións máis ventaxosas noutros produtos que ofrece a compañía, como pode ser o servizo VIA-T.
Os beneficiarios destas vantaxes e melloras son todos os socios afiliados ás diferentes asociacións que conforman a Federación: Mondoñedo, Lourenzá, Foz, Ribadeo, Burela, San Cibrao, Xove, Viveiro e O Vicedo.
Os interesados en obter máis información sobre o convenio, así como a operatividade do mesmo, deberán dirixirse ás súas correspondentes asociacións, que serán as encargadas de facilitarlles todos os datos e trámites.
En palabras do presidente, Ramón Leivas, “estamos encantados con este convenio. Nos próximos meses seguiremos pechando máis acordos de colaboración con distintas empresas de diferentes ámbitos, sempre relacionados con temas de interese para os nosos asociados”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
