A Alcaldesa de Viveiro, María Loureiro, esixe á Xunta que deixe de bloquear de xeito deliberado a tramitación do Plan Xeral de Ordenación Municipal (PXOM) e que convoque canto antes a reunión de traballo que lle leva solicitando de xeito reiterado dende hai 7 meses, imprescindible para continuar coa tramitación do documento.
A rexedora cre que o bloqueo do plan é intencionado ou froito “dun total desgoberno e desidia” por parte da administración galega, pois, nin a Subdirección Xeral de Protección do Patrimonio Cultural, nin o Conselleiro de Cultura responderon a ningunha das numerosas peticións que, tanto por escrito, como por vía telefónica, lles leva realizado dende o mes de setembro para manter unha reunión. “Ningunha delas foi atendida”, subliñou María Loureiro, “a pesar da nosa insistencia en que este encontro resulta obrigado para poder avanzar no procedemento do PXOM”.
Esta reunión de traballo, explicou a Alcaldesa, “é necesaria para expoñer as consideracións dos representantes políticos e técnicos municipais con respecto aos informes emitidos por Patrimonio e axilizar así a tramitación”. Loureiro reclama neste senso ao Goberno galego que “deixe de castigar aos viveirenses” e demostre “un compromiso real” co municipio, “e non as cifras manipuladas das que presume”, axilizando un documento “de vital importancia para o desenvolvemento de Viveiro”.
A rexedora recalcou tamén que esta situación é “discriminatoria” para a localidade, pois mentres outros Concellos mariñáns como Burela ou Ribadeo xa aprobaron o seu PXOM, Viveiro “segue sen este plan fundamental, temémonos que por un mero capricho da Xunta, pois non se entende que en seis meses non fixeran nada”.
Trámites estancados en Patrimonio
A tramitación do plan urbanístico de Viveiro quedou estancada na Subdirección Xeral de Patrimonio. Dende alí chegou ao Concello un informe negativo en xaneiro do 2014. En marzo dese mesmo ano celebrouse unha reunión de traballo á que asistiu a Alcaldesa, o arquitecto municipal e os voceiros dos grupos políticos municipais, e na que se acordou que o departamento autonómico, tras analizar as propostas municipais de modificación con respecto ao informe de Patrimonio, convocaría unha nova reunión de traballo. Ditas propostas municipais foron remitidas polo Concello o 16 de maio en formato dixital. Dende entón, o Concello está á espera dunha nova reunión de traballo.
A pasividade e atrancos que pon a Xunta, “e que xa sufrimos neste Concello noutros proxectos” non reducirá sen embargo “o noso empeño e esforzo” por sacar adiante o PXOM, subliñou María Loureiro.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
