Ribadeo, 17 de abril de 2015.- A concelleira de Servizos Sociais, Teresa González Piñeiroa, agradece a preocupación polos maiores de Ribadeo amosada desde o PSOE e subliña que o hospital asilo está a vivir uns días de transición con cambio de dirección e varias baixas de persoal, “por este motivo non se cubriron as prazas libres existentes na actualidade”. Concello e hospital asilo reuniranse o luns para poñerse ao día e comezar a conceder novas entradas.
A edil nacionalista agradece “desde a Concellaría de Servizos Sociais e desde o Concello de Ribadeo a preocupación do alcaldable do PSOE polos nosos maiores, algo que compartimos plenamente. Nós estamos a pilotar o proxecto da nova residencia e o que queremos é o pleno benestar das persoas maiores de Ribadeo”.
Teresa González explicou que “na actualidade é certo que existe unha lista de agarda para entrar, tamén é certo que existen unhas prazas libres, pero quería aclarar por qué se produce esta situación. Estes días produciuse unha coincidencia: hai unhas baixas de persoal traballador desta residencia e ao mesmo tempo houbo un cambio na dirección do centro”.
A concelleira de Servizos Sociais dixo que “é ben sabido que o Concello ten responsabilidade e sufraga gastos do hospital asilo e ao mesmo tempo forma parte da comisión de seguimento das persoas maiores que entran. Pero a xestión é de carácter privado”.
González Piñeiroa seguiu a relatar que “neste momento vívese no centro un momento de transición e desde a dirección do hospital asilo se nos pediu que non se concedesen altas novas e así o fixemos desde o máximo respecto que lle debemos á boa xestión que se está levando adiante desde o centro. Consideramos conveniente apoiar esta petición. Nós avalamos, apoiamos, desexamos, queremos e sabemos que é moi importante o benestar das persoas maiores de Ribadeo, que precisan dunha nova residencia, pero que están a ser atendidas no hospital asilo”.
A concelleira de Servizos Sociais indicou que “levamos uns días sen cubrir esas baixas. Temos unha xuntanza concertada para o luns, 20 de abril, ás 10 da mañá coa dirección do centro para poñernos ao día e na semana seguinte tentar dar entrada aos novos usuarios, pero non por esa preocupación amosada desde outras formacións políticas, senón porque é a nosa forma de traballar e así o levamos facendo ao longo dos últimos anos e así seguirá. Boa proba diso é todo o apoio que se lle está a dar ao hospital asilo, as obras que alí se realizan, etc”.
Teresa González insistiu en que “queremos dar un servizo de calidade, consideramos que é moita a responsabilidade que temos para atender a estes usuarios como se merecen. Levan traballando toda a vida e merecen a mellor atención, de calidade”. E engadiu: “os maiores de Ribadeo cada vez entran con máis dependencia. Isto require maiores coidados e máis persoal. Si nestes días temos menos persoal e a dirección do centro cambiou é evidente por qué estes días tivemos sen cubrir esas prazas”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
