O persoal de Vestas de Chavín-Viveiro reunido este martes en asemblea decide aceptar a proposta da empresa a respecto do ERE de extinción e ERE de suspensión.
Cunha escasa diferencia de votos, aprobase o ERE de extinción de 28 persoas. Esta reducción de 54 a 28 despedimentos será a costa de que a empresa poida usar unha flexibilidade de 177 hs./ano (un 10% da xornada anual) ata decembro de 2017, cunha compensación de só o 5% na usada de luns a venres, e de un 20% na usada en sábados.
A posición do Comité, foi rotundamente contraria ao acordo no ERE extintivo, dado que non recoñecemos que haxa causa para o despedimento pretendido, mais como a asemblea de traballadores e traballadoras é decisoria, asinouse o acordo, o que non implica que os/as afectados/as non poidan reclamar contra o mesmo.
A sinatura do acordo últimouse este martes arredor das 23.00 horas tras momentos nos que a ruptura e a posibilidade de non sinatura do acordo, con independencia da posición da asemblea, foron palpables en varias ocasións, dado que a empresa non se aviña a plasmar os acordos falados. As negociacións foron tensas, e consideramos que con artimañas coercitivas que non podemos demostrar, senón estaríamos noutro escenario.
Aínda non sendo o pretendido por esta parte, alcanzar un acordo nestes termos, reducindo os despedimentos de 54 a 28, foi posible grazas á mobilización do persoal e ó apoio da veciñanza. Polo tanto, agradecemos, en nome propio e da plantilla á veciñanza así como ás organizacións e organismos que nos apoiaron e facilitaron medios para que puidesemos exercer os nosos dereitos.
Aínda que no Parlamento de Galiza houbo un acordo unánime de tomar medidas concretas, cara ao mantemento de todos os postos de traballo, e despois de ter sido recibidos pola Dirección Xeral de traballo, o resultado real é que por parte da Administración Autonómica non se
materializou ningún tipo de acción para efectivizar o compromiso adquirido. E xa sabemos que VESTAS ten solicitada outra subvención pola modificación actual. Non cabe duda de que os beneficios lles veñen por todos os lados e eses tamén son cartos nosos.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
