“Dona Clara” unha creación do grupo inspirada na obra “A visita da vella dama” de Friedrich Dürrenmatt, é o título desta nova proposta do grupo barreirense
Barreiros, 19 de setembro, 2025. Corenta anos despois de terse marchado, a multimillonaria Clara Zahanassian regresa á vila da súa infancia. Vila que, inexplicablemente, está sumida na miseria.
Dona Clara parece mostrarse xenerosa e ofrece mil millóns de euros á súa vila natal para que solucione os seus problemas, pero cunha condición difícil de asumir por unha sociedade que se considera a si mesma “civilizada, democrática, virtuosa e temerosa de Deus”.
Dona Clara é unha obra perversa, unha obra onde van aparecendo dun xeito paulatino pero dunha forma inexorable, as debilidades humanas. Os personaxes que imos vendo son persoas perfectamente recoñecibles. Non son malas persoas, pero “a tentación é demasiado grande e a nosa pobreza demasiado amarga”. Por iso non podemos distanciarnos deles, porque se cadra, non estamos seguros de que obraríamos de distinta forma ca eles na mesma situación.
Isto fai que o público sexa unha parte esencial da obra. Representa á xente da vila e como tal toma as decisións máis importantes e transcendentais da trama. É un público activo que debe colaborar cos actores e actrices nunha comuñón case mística que fai que todo isto teña sentido.
Unha vez máis, Ollomao explora novos territorios e presenta unha traxicomedia que, estamos convencidas-os, non vai deixar a ninguén indiferente.
As funcións terán lugar nos Colexios Vellos de San Miguel o venres 19 ás dez da noite e o domingo 21 ás oito. Haberá unha nova función o domingo 28 tamén ás oito da tarde.
As entradas, que xa se poden adquirir contactando co teléfono 678 54 65 26 (Marisa) preferiblemente por WhatsApp, teñen un prezo de 5 €. A este respecto, desde a Directiva de Ollomao recordan que as entradas reservadas estarán a dispor de quen fixo a reserva ata media hora antes do inicio da función na billeteira do teatro. De non retiralas nese prazo, poranse á venda. Tamén indican que cada entrada só é válida para o día e hora que figura na mesma e que os menores pagan entrada sempre e cando ocupen asento.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
