Gabriel Galante Briones asistía por primeira vez á cita nacional da categoría júnior a pasada fin de semana onde se enfrontaba á distancia olímpica, os 70 metros.
O XXXVIII Campionato de España Junior celebrábase en Madrid ante o vento e a chuvia que afectaron ás puntuacións xerais. Aínda así, Gabriel Galante, do club IADOVI de San Cibrao, lograba bater o récord persoal nesta distancia. Deixa agora o listón nos 612 puntos sobre 720, fronte ós 537 que marcaba no XXXIX Campionato Galego Veterano, Senior e Junior celebrado o pasado verán en Valdoviño.
Clasificado na décima posición, medíase na primeira eliminatoria ó representante da Federación Catalá, Roger Hermosilla, ó que vencía en dezaseisavos por un cómodo 6-0.
Pola contra, o domingo cía no seu primeiro enfrontamento de oitavos contra o madrileño Ken Sánchez, ó que logra gañarlle o primeiro set. Con tan só un punto por cada set, o madrileño logra remontar e gañar por 6 -2.
Máis tiro con arco
Mellor sorte correron os seus compañeiros Galegos, Cristina Castro Barcala do Club Silex de As Pontes (A Coruña) continuaba en competición caendo en cuartos contra a tamén madrileña Oceanía Rico García.
Por outra banda, o irmán de Cristina, Daniel, logra superar a todos os seus adversarios proclamándose Campión de España.
A próxima cita será en maio no segundo encontro da Liga de Cadetes onde Gabriel intentará mellorar a segunda praza. A este encontro acudirá tamén o seu compañeiro de club, Francisco Melo Botelho, que debuta a nivel nacional.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
