Burela, 29 de abril de 2015.- “Alfredo Llano é o alcalde do futuro. Barcia, o alcalde do pasado”. Así de contundente comezou a súa intervención o secretario Provincial –Juan Carlos González Santín-, que estivo acompañado do secretario Xeral da agrupación socialista de Burela –Ramiro Fernández- durante a presentación da candidatura coa que o PSOE concorre ás eleccións de maio.
E é que, segundo indicou Santín, “os gobernos do Partido Popular son como a máquina do tempo. Todo o que tocan, o fan retroceder ao pasado. O alcalde actual ten crionizado o concello dende hai catro anos. Por iso, Alfredo será o punto de inflexión que necesita Burela para que este municipio volva a recuperar o prestixio que tanto traballo lles custou aos socialistas conseguir”, afirmou.
Proba delo, indicou o alcaldable, é que os populares “iniciaron a construción dunha nova gardeiría infantil, que si é necesaria, pero que o fixeron da peor forma posible, asumindo competencias impropias”. Concretamente, manifestou Llano, o actual equipo de goberno “obriga ao concello, é dicir, a todos os veciños, a pagar o 40% do custe das obras, e tamén a facerse cargo do mantemento e xestión do centro, cando esas son responsabilidades da Xunta de Galicia”. “Puxo os intereses do Goberno galego e do Partido Popular por riba dos burelenses, como tamén o fixo coa imposición da Área Sanitaria Integrada; un asunto no que mirou para outro lado, e que está supoñer un gravísimo deterioro da sanidade en Burela, tanto no hospital como na atención primaria”, apuntou o candidato socialista.
Por iso, sinalou que o seu obxectivo como aspirante á alcaldía é “acadar, xunto coa participación dos cidadáns, un concello harmonioso, forte, transparente, con todos os servizos básicos e con grande proxección de futuro, tanto no económico, como no social”.
Programa feito para os veciños
Deste xeito, a súa proposta é, “antes de nada, devolver a confianza e a cercanía aos veciños, recuperar a transparencia, a participación, a honestidade e un escrupuloso respecto á legalidade; en definitiva, todo os que nos caracterizou durante os catro anos que gobernamos”.
“A finalidade é o desenvolvemento integral de Burela e, para iso, centraremos os esforzos na xente máis nova”. A este respecto, anunciou a creación dun plan de emprego propio, ou en colaboración con outras administracións, así como políticas que faciliten o asentamento de empresas tanto no eido da pesca, como no comercio; “os dous piares fundamentais da nosa economía, traballando sempre da man das organización empresarias e comerciais”, suliñou.
“Queremos tomar medidas para crear postos de traballo, atraer e reactivar empresas, impulsar o tecido comercial, apoiar o sector pesqueiro, potenciar o turismo e dinamizar Burela, pois, no actual mandato, o goberno do Partido Popular non traballou absolutamente nada, nin rematou unha soa obra en catro anos”, criticou.
Así mesmo, Llano adiantou que, se acada o apoio da cidadanía o 24M, eliminará as subvencións outorgadas de xeito nominativo ás asociacións e colectivos, aplicando, pola contra, o procedemento de concorrencia competitiva, “é dicir, con criterios obxectivos e transparentes”. Dentro dos compromisos programáticos que presenta o socialista, tamén se inclúe a revisión de todos os impostos e a solicitude dunha nova revisión catastral, pois a actual data de 2006.
Por outra banda, potenciará o funcionamento do porto comercial; “un dos polos da actividade económica do noso concello”, e mediará en conflitos como pode ser o de ECESA para que retome o seu funcionamento canto antes. Neste senso, indicou que é preciso completar a ocupación da área industrial do Perdouro, “que xa impulsamos durante o noso mandato”, ademais da rehabilitación de varias rúas; a peonalización dalgunhas zonas da vila; a mellora da circulación vial, das instalacións deportivas e das praias; o aforro enerxético; e o fomento das axudas á dependencia e o servizo de axuda no fogar.
50% de renovación
A lista, coa que Alfredo Llano se presenta aos comicios, está formada por 13 titulares e tres suplentes. Destaca a incorporación dos números tres, catro, seis, nove, dez, doce e trece; “caras novas que lle dan ese punto de renovación que fai que hoxe poidamos ofrecer este proxecto que xurde do consenso e do convencemento de que existe outra forma de facer política, que non é outra que a de estar ao carón da xente”, indicou Llano. A candidatura, cuxa renovación se sitúa no 50%, pois, ademais dos indicados, o segundo suplente tamén é novo, é a seguinte:
1.- Alfredo Llano García
2.- Ramiro Fernández Rey
3.- Patricia Otero Rodríguez
4.- José Díaz García
5.- Angélica Gómez Sánchez
6.- Ramón Vázquez Andrade
7.- Noelia María Ben Vázquez
8.- Carmen Edith Ángeles Chumacero.
9.- Manuel José Fernández Rodríguez
10.- Luis García Suárez
11.- Marta María Amenedo Castiñeira
12.- María Luz Cordido Pernas
13.- Pedro Chao Polo
Suplentes:
1.- Ramón Ramos Sánchez
2.- Adolfina Campo Locay
3.- Lucas Moreno Torres
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
