RIBADEO, 30 DE ABRIL DE 2015.- Os socialistas de Ribadeo organizan unha charla sobre políticas de memoria histórica a cargo do investigador e escritor Santiago Macías. Será este sábado, día 2 de maio, ás 12.30 horas no salón de actos da Casa Sindical. Anunciouno este xoves o candidato do PSdeG-PSOE á alcaldía ribadense, Roberto Ramos Piñeiro, quen tamén avanzou que no seu proxecto de goberno inclúe a creación dunha Comisión Municipal de Memoria Histórica.
“Organizamos unha charla no salón de actos da Casa Sindical para o próximo día 2 de maio ás 12:30 horas. Será impartida por Santiago Macías e invitamos a asistir a todos os veciños e veciñas. O obxectivo desta charla é coñecer de primeira man a realidade do traballo en pro da Lei de Memoria Histórica, fundamentado en dignificar o noso pasado, pedir xustiza aos que a mereceron e non a tiveron e afondar na nosa democracia”, explicou Roberto Ramos.
Un ponente de referencia
O alcaldable socialista en Ribadeo engadiu que Santiago Macías “dedicou boa parte da súa vida a rescatar do esquecemento aos personaxes da Guerra Civil e da ditadura franquista. Participou na fundación da Asociación para la Recuperación de la Memoria Histórica, da que foi vicepresidente durante máis dunha década. Na súa faceta de escritor e investigador na primavera de 2003 publicou o libro Las fosas de Franco e en 2005, El monte o la muerte. En setembro de 2008 veu a luz o seu terceiro traballo, unha biografía dun dos principais líderes da resistencia antifranquista: Manuel Girón Bazán. E xa no 2011 publicou o seu traballo máis recente, colaborando no libro Juan García Arias, el último alcalde republicano de Ponferrada. Macías tamén nos falará da súa propia experiencia como concelleiro nun equipo de goberno, do cal formou parte”.
Roberto Ramos rematou avanzando que “no proxecto de goberno que presentamos os socialistas de Ribadeo incluímos a creación dunha Comisión Municipal de Memoria Histórica, formada por membros da Corporación e representantes de entidades, que inclúa entre os seus fins a localización e identificación de vítimas da Guerra Civil e da ditadura para asegurar a aplicación da Lei de Memoria Histórica”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
