Santiago, 3 de maio de 2015.- O Diario Oficial de Galicia (DOG) publicará este luns a convocatoria para o curso 2015/2016 de 15 prazas de colaboradores-bolseiros nas residencias xuvenís que dependen da Consellería de Traballo e Benestar. En concreto, o reparto será o seguinte: 4 prazas no centro residencial Lug, de Lugo; 5 prazas na residencia Florentino López Cuevillas, de Ourense; e 6 prazas na Altamar, de Vigo.
Os beneficiarios das mesmas contarán con aloxamento e mantenza gratuítos, a cambio de desenvolver labores de dinamización xuvenil. Os mozos e mozas disporán das asistencia dun titor ou titora, que coordine e dirixa as funcións que van desempeñar nos centros. Deste xeito, os participantes realizarán traballos de dinamización, incluídas actividades de información xuvenil, biblioteca, informática e deporte, entre outras.
O prazo para solicitar praza é dun mes a partir do día seguinte á súa publicación no DOG. Ademais da inscrición, os interesados deberán presentar un proxecto de actividades que se pretenda desenvolver na residencia, así como presentarse a unha entrevista persoal. Para a adxudicación, valorarase a calidade do proxecto presentado; a renda media da unidade familiar; o rendemento académico; a condición de desempregado sen prestación económica do pai, nai ou titor legal; a condición de familia numerosa, de orfandade, discapacidade de calquera membro de unidade familiar; ter a residencia familiar en Galicia; ser muller en estado de xestación ou vítima de violencia de xénero; e outras circunstancias sociofamiliares como ter un ou unha irmá con praza renovada na residencia, ou ter a condición de familia monoparental.
Os destinatarios deberán ter entre 18 e 30 anos, e cursar estudos universitarios nunha facultade ou escola, estudos superiores en ensinanzas artísticas, ou ciclos formativos de grao superior que admitan, polo seu contido e saídas profesionais, a formación e práctica a través de calquera das tarefas que se poidan desenvolver na residencia xuvenil. A renda familiar non debe superar o 150 por cento do IPREM.
As residencias xuvenís son un instrumento ao servizo da mocidade e, en particular, dos mozos e mozas estudantes durante o curso académicas. Nelas, ofrécese aloxamento e manuntención, e actividades e convivencias educativas que fomentan valores sociais, culturais e deportivos da mocidade residente.
Esta iniciativa enmárcase no obxectivo da Dirección Xeral de Xuventude e Voluntariado de fomentar actividades xuvenís e favorecer o acceso ás ensinanzas superiores e, ao mesmo tempo, dotar de persoal de apoio no eido educativo e asistencial ás tres residencias xuvenís.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
