Foz, 6 de maio de 2015. O Partido Popular de Foz reclama aos representantes do PSOE que aclaren por que se permitiu que dúas vivendas e un almacén da mesma familia estiveran enganchados ao subministro eléctrico da antiga escola obradoiro durante 10 anos, cando os socialistas gobernaban no Concello focense. Este fraude ascende a case 35.000 euros.
O secretario xeral do PP de Foz, Juan Rivas, explicou que “o PSOE de Foz ten que aclarar por que se permitiu que unha familia estivera enganchada ao subministro eléctrico do Concello durante máis de 10 anos, ata finais do 2011. Reclamamos explicacións do Partido Socialista porque naquel momento estaba gobernando o Concello de Foz e moitos dos integrantes da lista do PSOE para as vindeiras eleccións municipais tiñan, naqueles momentos, cargos de responsabilidade municipal”.
Juan Rivas especificou que “concretamente na antiga sede da escola obradoiro había enganchado o subministro eléctrico para dous domicilios e un almacén da mesma familia e, segundo un informe técnico encargado polo Concello de Foz a un enxeñeiro, ditas vivendas e o almacén estiveron enganchados uns 10 anos, sendo a contía que suma ese gasto en subministro eléctrico próxima aos 35.000 euros. O Partido Popular ten constancia de que o Concello reclamou hai unhas semanas esa cantidade á familia, á cal tamén se lle enviou ese informe técnico, polo que dende o Partido Popular esperamos que se faga ese pagamento o antes posible, porque son cartos dos veciños de Foz que teñen que estar nas mans de todos os cidadáns”.
“Consideramos que por parte do Partido Socialista de forma irresponsable se permitiu que todos os veciños de Foz estiveran aboando a factura da luz das dúas vivendas e un almacén. Tamén resulta sospeitosa a relación dalgún dos membros de Unifoz, partido practicamente extinguido xa, con algún dos actuais integrantes da candidatura do Partido Socialista, que naquel momento eran os responsables das instalacións da escola obradoiro.
Estamos a falar dalgún concelleiro naquel momento e tamén dalgún responsable directo da escola obradoiro. E ademais, preguntámonos se este tema ten algo que ver con que a actual portavoz de Unifoz, e man dereita do señor Xaime Cancio durante estes últimos anos, estrañamente non vaia agora na lista do Partido Socialista, sabendo que nos cargos máis importantes inclúe basicamente a membros de Unifoz. Esperamos a reposta do señor Xaime Cancio sobre este asunto e se isto significa que sabía algo deste fraude eléctrico no que existe unha relación bastante sospeitosa entre membros de Unifoz e do Partido Socialista”, engadiron os populares focenses.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
