A Pontenova 10 de maio de 2015.- Mensaxe clara e directa de Francisco Conde, José Manuel Balseiro e David Álvarez esta tarde nun mitin celebrado no restaurante pontenovés San Briz.
“A Pontenova necesita urxentemente un cambio de Goberno e so un Executivo popular lograría incorporar ao municipio no camiño da recuperación e do crecemento”.
Os populares, que ven en A Pontenova un gran potencial económico e turístico, lanzaron duras críticas á nula xestión de Darío Campos e alertaron da perigosidade que suporía seguir con este Goberno.
O popular Francisco Conde, lembrou que Galicia camiña na boa dirección gracias á magnífica labor feita polo PP e proba diso, dixo, vese no emprego e nos inversores, que volven a interesarse en apostar pola nosa terra.
Neste senso, afirmou que estas eleccións ofrecen a posiblidade de darlle A Pontenova o futuro que se merece e animou aos presentes a acudir as urnas o vindeiro 24 de maio e votar ao PP, como aposta polo comercio local, tecido empresarial e polo impulso das infraestruturas da vila.
Pola súa banda, o secretario xeral do PP de Lugo, José Manuel Balseiro, manifestou que os oito anos de Goberno socialista caracterízanse pola falta de traballo, pasotismo e nula xestión de Darío Campos e insistiu en que de non producirse un cambio de Goberno en A Pontenova, a vila iría en declive e os veciños terían que soportar catro anos máis políticas de falta de prioridade nos gastos e cunha xestión caracterizada polos grandes erros que se ratifican nas débedas e que finalmente pagan pontenoveses.
O popular tamén fixo unha comparativa das políticas levadas a cabo pola Xunta de Galicia e pola Deputación de Lugo en A Pontenova
“O Goberno de Núñez Feijoo investiu neste municipio, 10.540.644,74€ fronte aos 1.489.831.39€ do Organismo Provincial”- manifestou Balseiro, quen dixo que é aquí onde podemos ver claramente como gobernamos os populares e como gobernan os outros partidos políticos.
Pechou o mitin, o candidato á alcaldía, David Álvarez, lanzando duras críticas a forma de gobernar do socialista de Darío Campos. Insistiu en que un bo xestor faise e os seus feitos vense tempo despois: transparencia nas contas e no seu estado; algo que no se percibe na vila.
“Os veciños de A Pontenova non podedes sufrir catro anos máis este desgoberno”- manifestou o alcaldable, quen pediu o voto para cambiar esta situación actual e situar A Pontenova onde se merece.
Álvarez finalizou o mitin lanzando dous compromisos. Dixo que de ser elixido alcalde, no primeiro pleno municipal, baixará os impostos a tódolos veciños e axilizará os trámites para desbloquear as licenzas do polígono, para así activar a economía e xerar postos de traballo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
