Ribadeo, 15 de maio de 2015.- Os alumnos e alumnas que asisten ao curso de community manager, que o Concello imparte dentro do proxecto Ribadeo medra contigo, farán prácticas en empresas e comercios de Ribadeo. As firmas interesadas en contar con estes alumnos durante os meses de xuño e xullo poden dirixirse á Área de Desenvolvemento Local. Ademais o Concello organiza varios obradoiros durante as vindeiras semanas sobre apicultura, cervexa artesá, cosmética natural e xabóns, segundo deu a coñecer este mediodía a concelleira de Desenvolvemento Local, Ana Martínez.
A edil nacionalista explicou que “dentro do programa Ribadeo medra contigo, que se está a desenvolver na súa primeira fase co curso de community manager cando os alumnos e alumnas que están a participar acaben coa parte teórica se ofertará para as empresas e comercios, que estean interesados, unha parte práctica na que o alumno desenvolverá nesas firmas un plan social media, de presenza, de identidade e de promoción nas redes. E para iso o propio profesor e supervisor do curso estará tamén identificando o traballo dos alumnos e irá executando diferentes campañas, accións de promoción e de dinamización nas redes (facebook, twiter, etc), dentro do que o propietario da empresa determine durante o tempo de duración desas prácticas, 120 horas, distribuídas coa flexibilidade que teña a empresa, durante os meses de xuño e xullo”.
Ana Martínez indicou que “as empresas e os comercios que estean interesados deberán poñerse en contacto coa Área de Desenvolvemento Local do Concello de Ribadeo chamando ao teléfono 982 128 689 ou a través do formulario que estará colgado na páxina web do Concello”.
A concelleira de Desenvolvemento Local contou que “Ribadeo medra contigo é un programa pensado para o desenvolvemento das persoas e da economía local e buscando tamén unha formación para ese emprendemento no rural faremos pequenos microtalleres para o aproveitamento no sector primario. Así haberá un curso práctico de apicultura, que terá lugar os días 5, 6 e 17 de xuño en Vilela. Haberá outro obradoiro de elaboración cervexa artesá cunha introdución á microcervexería coma produto de negocio. Será o 30 maio, durante todo o día, na Casa da Xuventude de Ribadeo. Haberá tamén outro obradoiro para a elaboración de cosmética natural, cunha visión coma empredemento. Será o 30 de xuño todo o día e tamén na Casa da Xuventude. E faremos un obradoiro de elaboración de xabóns e de produtos de baño, que será o 27 de xuño todo o día na Casa da Xuventude”.
Para participar nestes microobradoiros é preciso anotarse na Área de Desenvolvemento Local do Concello de Ribadeo.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
