A Pontenova, 16 de maio de 2015.- O secretario Provincial –Juan Carlos González Santín- e a vicepresidenta segunda da Deputación –Lara Méndez-, arrouparon este sábado na Pontenova a Darío Campos nun mitin celebrado no municipio.
González Santín indicou que “por terceira vez consecutiva temos ao mellor candidato para manter a alcaldía e continuar co excelente traballo feito ata o de agora”, e engadiu, “conta cunha candidatura profundamente consolidada, cun equipo no que a experiencia política é garantía de resposta ás necesidades dos veciños e veciñas da Pontenova”.
“Ninguén porá en dúbida que o goberno socialista é a única alternativa viable para garantir os servizos públicos e os dereitos da cidadanía. Por iso, sei que o 24 de maio volveremos a facer historia na Pontenova e Darío continuará a ser o sobresaínte alcalde deste concello por maioría absoluta, para poder seguir levando a cabo o proxecto socialista no municipio”, concluíu o secretario Provincial.
No mesmo senso coincidiu a vicepresidenta segunda, quen subliñou que Darío Campos e o seu equipo de goberno foron capaces de “transformar A Pontenova a todos os niveis, en servizos sociais, en infraestruturas… a vila mesmo cambiou de aspecto, é máis atractiva e aberta dende que, coa colaboración da Deputación, saíu adiante o proxecto de encauzamento do río”.
Darío Campos demostrou nestes oito anos que os socialistas “temos outra forma de gobernar”, asegurou Lara Méndez, “que nós somos o partido que máis se parece á xente… non somos nin mareas, nin partidos que xurdiron ó calor dos focos dos platós de televisión… Os socialistas seguiremos estando cando os focos se apaguen.” A vicepresidenta indicou que cada papeleta do PSdeG “é unha garantía fronte ás políticas do Partido Popular; é unha garantía de sanidade pública, de transparencia, de educación de calidade, de axuda á dependencia, de asistencia aos nosos maiores; é o voto da ilusión”.
Aumentar servizos sen subida de taxas
Pola súa banda, o alcaldable lembrou que “fronte aos recortes doutras administracións gobernadas polo PP e as subidas de impostos, nós levamos máis de dous anos sen subir ningunha taxa, e pretendemos non facelo nos próximos catro anos e, aínda así, fomos quen de continuar mellorando e aumentando os servizos á cidadanía”. Neste senso, Campos indicou que “verteremos todos os nosos esforzos na creación da residencia de anciáns e do centro de día, ademais de dotar de novo equipamento aos centros sociais e mellorar o servizo de axuda no fogar”.
En canto ao urbanismo o candidato socialista anunciou que “se procederá á aprobación definitiva do Plan Xeral de Ordenación Municipal, así como o fomento do arranxo de fachadas, limpeza e peche de soares”. No eido das infraestruturas indicou que “temos previsto o arranxo e mellora dun bo número de estradas e camiños municipais. Ademais, executarase o saneamento do Couso e a traída de auga en Sanxes e Lamarcide”.
Favorecer a instalación das empresas
O emprego tamén preocupa á candidatura que lidera Campos, por iso, “desenvolveremos un plan de emprego municipal e ampliaremos o parque empresarial, co obxectivo de manter as empresas actuais e favorecer á instalación de novas compañías que creen novos postos de traballo para que a cidadanía non teña que marchar fóra na procura de oportunidades”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
