Viveiro, 17 de maio de 2015.- O secretario xeral do PSdeG, José Ramón Gómez Besteiro, incluíu na tarde deste domingo en Viveiro “a destrución industrial” entre as dez pragas que o PP de Feijóo levou aos concellos galegos.
Á marxe do desemprego e o estancamento económico, dos que falou onte en Vilagarcía de Arousa, e do desprezo á lingua e a cultura, ao que fixo referencia esta mañá en Lugo, Besteiro referiuse entre as citadas dez pragas á industria no mitin celebrado en Viveiro xunto á candidatura liderada por María Loureiro.
No mitin estaban tamén o secretario xeral provincial do PSdeG, Juan Carlos González Santín, Lara Méndez, vicepresidenta da Deputación e deputada por A Mariña, e a familia do ex alcalde Melchor Roel, falecido en 2013 e moi recordado nas intervencións. Besteiro lembrou a súa figura e a transformación de Viveiro iniciada baixo o seu mandato, antes de manifestar que o 24 de maio “ninguén ten que votar por rabia, hai que desterrar a rabia da política e non facer como algún do PP recén chegado de Bulgaria”.
Con respecto á industria, apuntou que “o resultado das promesas de Núñez Feijóo sobre o naval foron, por exemplo, que Ferrol perdera 4.000 postos de traballo neste sector nos últimos catro anos”. “O goberno de Feijóo e o PP supoñen cinco anos perdidos para a nosa industria”, dixo.
“Déixase morrer á industria galega tradicional e, ao mesmo tempo, non se propoñen fórmulas alternativas que camiñen cara a unha reindustrialización do noso país; só houbo propostas illadas que quedaron en nada, como o concurso eólico ou os contratos de Pemex, pero ningún plan estratéxico que dunha forma ben artellada e coa vista posta no medio prazo respostara á pregunta de ‘a que se vai dedicar Galicia’”, manifestou.
“O Índice de Produción Industrial, aquel que mide a evolución da nosa capacidade industrial, descendeu un 4,4% no ano 2014, sendo a comunidade con peores datos de toda España, mentres que as exportacións descenderon no 2014 un 0,6%, o terceiro peor dato de todas as autonomías”, engadiu.
Solución aos problemas
Pola súa banda, o secretario provincial do PSdeG, Juan Carlos González Santín, trasladou o máximo apoio a María Loureiro, “unha excelente candidata que demostrou ser a alcaldesa de todos e non escatimou esforzos en aplicarse en dar unha solución eficaz aos problemas da xente”.
“Ao longo destes meses, María demostrou que aposta pola política aberta e pola política limpa como a ferramenta máis digna para Viveiro”. Precisamente, foron estas armas, engadiu Santín, as que “actuaron de colchón das políticas inxustas do Partido Popular e dos recortes de Rajoy e Feijóo”.
“Esta é a diferenza, mentras uns gobernan para uns poucos privilexiados, bloqueando as institucións, outros, como esta alcaldesa, esfórzase en reorientar a xestión para garantir a igualdade e a participación social, cultural e cívica. Pasouse do abandono e a prepotencia ao compromiso e a humildade, ao consenso e ao traballo”, remarcou o secretario provincial.
Neste senso, González Santín rematou a súa intervención, pedindo o apoio da cidadanía e concluiu con ironía, dicindo: “din os expertos que as gaivotas están desaparecendo, pero o 24 de maio serán os propios cidadáns os que as van quitar do medio”.
Pola súa banda, a candidata á alcaldía recoñeceu que en 2013 afrontou o reto de poñerse á fronte do concello “para que esta transformación que levamos a cabo os socialistas, con Melchor Roel á cabeza, non se detivese”. Por iso, manifestou que a súa única “obsesión” é impulsar a economía local, a través da xeración de novas políticas que permitan a creación de postos de traballo.
“Non podemos permitir que os nosos mozos, os mellor preparados da historia, teñan que marchar fóra porque aquí non teñen oportunidades de futuro. Debemos seguir potenciando o turismo como principal motor económico do municipio e garantir a calidade e aumentar os servizos públicos”, apuntou.
“Viveiro é hoxe máis dinámico e máis social, ten máis e mellores instalacións culturais, deportivas e sociais, e máis oferta de lecer. Por iso, a nosa xuventude é protagonista no noso proxecto, Viveiro é hoxe un concello máis accesible co plan de reordenación de tráfico que vimos de poñer en marcha coa axuda da Deputación, co parque ambiental do paseo marítimo ou co derrubamento dos galpóns do porto. Hoxe está máis aberto ao mar e comprometémonos a seguir traballando para esa transformación que iniciamos en 2003”, rematou.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
