Os clasificados da conferencia NorLeste partían o domingo 31 de maio da estación de buses de Ribadeo, cara a terra do noso Santo Patrón para disputar as finais nacionais ante as outras conferencias da LNB. Entrados en Santiago, tiramos cara ó monte Gaiás e inmediatamente tomamos posesión como nova conquista da serpe multicolor da Cidade da Cultura.
Tempo fresquiño pola mañá que foi paseniño convidando a ir espíndose de roupa e, aínda que non vimos o sol en toda a xornada, os espesos e grises nubeiros que desafiantes nos ollaban dende o ceo, permitiron que o xogo chegara a rematar en seco.
Comezamos, pois, coa disputa simultánea das finais infantís e de donas. En infantíl non levamos representación e poidemos gozar vendo as evolucións duns verdadeiros fenómenos da billarda que nos permiten mirar ó futuro con ilusión. Adrián, Juanma e Adriana foron, por esta orde, os mellores.
En donas, participamos con dúas valentes que deron o mellor de sí nun terreo de pedra e baldosa que xogou algunha mala pasada. As dúas pasaron de grupo e xa nas eliminatorias, Bea (Troitas Bravas) tivo contra as cordas a Begoña que, nembargantes, fixo gala da veteranía e acabou gañando.
Geni (Billardeiros Musicais) chegou a semifinais onde se atopou tamén con Begoña. Dúas campioas fronte a fronte por un posto na final. A mariñá tivo na man por dúas veces o pase, pero a sorte volveulle as costas e fixo que errara o tiro que puido ser definitivo. Quedou fóra do podio. Xogaron a final Lu, Begoña e Helena, quedando clasificadas nesta mesma orde.
Finais por equipos
10 equipos participantes con 6 xogadores por equipo. 6 grupos de 10 palanadores a 3 carreiras. A suma dos puntos acadados polos xogadores de cada equipo daban a clasificación final. Empate para o primeiro posto entre Billardeiros Musicais de Ribadeo e máis Gharaboto de Marín. Terceiros foron o equipo Carabullos de Teixo da Pastoriza.
Resólvese o empate cun enfrontamento dobre entre os dous mellor clasificados de cada equipo. Loita a cara de can. Primeira carreira para Lois Pirucha e Luis Camiña de Marín, segunda para Markytos e Daniel de Ribadeo. Unha rolda máis. Carreira para un, carreira para outro. Derradeiro enfrontamento, primeira carreira Pirucha – Daniel queda en empate, segunda carreira Markytos – Luis Camiña, o bicampión imponse ó de Marín e dalle o título de Campiòns Nacionais ós Billardeiros Musicais.
Tras unha parada para repoñer forzas, con gaitada incluida, volta á competición. Comeza o campionato de varados. Cinco tiros por palanador sen ningún acerto. Nova rolda acortando uns metros a distancia ó varal. Desta sí que houbo dianas. Luis Camiña acadou 2 varados que lle deron o primeiro posto, houbo que facer unha rolda de desempate entre os que conseguiron un varado, resultando Salva segundo e Ricar terceiro.
Título de Coroceiro Nacional 2015
64 participantes en 8 grupos de 8 cos primeiros e segundos de cada conferencia como cabezas de serie. 3 carreiras e 32 quedan fóra pasando os restantes ás eliminatorias. Van acurtándose as posibilidades ata chegar a unha semifinal mariñá (con Regueiro e Manolo Pozo) e outra das Rías Baixas (Ricar e Lois Pirucha).
Finalistas Regueiro e Ricar, quedando a terceira praza entre Luis Pirucha e Manolo Pozo. Nesta ocasión foron os das Rías Baixas os que saíron gañando. Ricar de Corredoiras foi o grande protagonista destas finais, que por riba tamén se encargou de facer os trofeos e, polo visto, non quixo dalos todos e quedouse coa mostra.
Campión Absoluto e Coroceiro Nacional: Ricar de Corredoiras de Bueu. Segundo: Regueiro de Troitas Bravas. Terceiro: Luis Pirucha de Gharabotos.
Campión de varados: Luis Camiña de Gharabotos de Marín. Segundo: Salva de Corredoiras. Terceiro: Ricar de Corredoiras.
Campioa: Lu de Corredoiras de Bueu. Segunda: Begoña de Corredoiras. Terceira: Helena de Gharaboto.
Campión de equipos: Billardeiros Musicais de Ribadeo. Segundo: Gharaboto de Marín. Terceiro: Carabullo de Teixo da Pastoriza.
Campión infantil: Adrián de Gharabotos de Marín. Segundo: Juanma de Lúa de Forza de SanXenxo. Terceira: Adriana de Valpaços de Vigo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
