Barreiros, 5 de xuño de 2015. O alcalde, Alfonso Fuente Parga, subliña que o Concello conta cunha ordenanza para regular as cortas de madeira nos montes do concello. E advirte que as empresas deben pedir autorización para realizalas. Así evitaranse problemas no subministro de auga da traída, coma o ocorrido onte en San Miguel.
O alcalde, Alfonso Fuente, asegurou que “unha empresa, Maderas Naciente, que estivo a cortar e a sacar estes días madeira do monte, ocasionou que a auga da traída se enturbase na zona de A Barranca, en San Miguel. Alí tivemos que cortar o subministro desde o cemiterio porque a auga saía moi turbia”. E explicou que “os camións desta empresa cruzaban polo río”.
O rexedor lembrou esta mañá que “onte detectamos un enturbamento na captación de auga na barranca. Despois de realizar as investigacións correspondentes comprobamos que esa empresa que estaba a sacar madeira do monte, botou ramas e troncos nun regato para pasar dun lugar a outro, producindo esa incidencia no subministro de auga. Xa onte nos puxemos en contacto con esa empresa para que retirase ese material do río, eles dixéronnos que descoñecían que esa fora a captación de auga para toda a zona de San Miguel e Santiago de Reinante”.
Fuente Parga contou que “aínda hoxe, venres, a auga sae moi revolta nas casas de A Barranca. Nun par de días agardamos que a problemática estea solucionada, pero teremos que limpar o encoro, teremos que limpar os depósitos e os filtros. Por iso insistimos unha e outra vez, e por iso hai unha ordenanza que lles marca ás empresas madeireiras que teñen que solicitar autorización no Concello para facer esas cortas. No mesmo momento no que nos din que van cortar nós xa lles advertimos o que poden atopar en cada sitio, neste caso un rego desde onde se capta a auga da traída”.
O alcalde barreirense en funcións dixo que “xa me contou algún veciño que a situación mellorou un pouco, pero tendo en conta que está a chover é posible que ata mañá ou pasado a auga non desapareza esta turbidez da auga”.
Fuente Parga subliña que “aos veciños e ás veciñas afectadas de Reinante e de San Miguel se lles descontará esta incidencia no recibo da auga, tal e como xa acordamos e como é de xustiza. E no expediente que se lle abrirá a esa empresa Maderas Naciente terá que asumir os custes da limpeza dos depósitos e dos filtros, cando menos”.
O rexedor barreirense pide desculpas aos veciños polo ocorrido: “traballaremos para que os subministro de auga volva á normalidade o antes posible”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
