O Atlético Féminas Navalcarnero revalida o título de campión da Copa de España tras impoñerse por 6-3 ao Burela Pescados Rubén. A escuadra mariñá compensou os seus escasos efectivos con orgullo e alma aínda que as colchoneiras manexaron o guión dunha película con final feliz para as anfitrioas.
A posta en escena da final mostrou un Burela Pescados Rubén seguro e con maior mordente ofensiva que a escuadra colchoneira. Tras un par de serios avisos das burelás, Maite protagonizou a mellor ocasión pero o pau impediu o tanto. Dentro da igualdade reinante, as mariñás xeraban maior sensación de perigo ante un Futsi que aumentaba a súa intensidade co paso dos minutos e tras superar o ecuador logrou situarse por diante cun tanto de Natalia (1-0). O gol confirmaba a melloría roxiblanca mentres o Burela acusou o golpe e non puido evitar que as anfitrionas aumentasen a súa renda. Ari marcou o 2-0, minuto 16, tras unha boa acción de Ju Delgado e con este marcador chegouse ao descanso.
Na continuación o Burela Pescados Rubén non se resignou ante o dominio roxiblanco e nun gran contragolpe Peque recortou distancias (2-1). O gol de Peque revitalizou os ánimos mariñaos pero a resposta do campion non se fixo esperar e Peke aproveitou un despexe curto de Jozi para situar o 3-1. Remando contra corrente, as burelás volveron dar mostra do seu orgullo superando a defensa madrileña pero atopando o muro de Belén. A porteira roxiblanca evitou que o Burela se achegara no marcador con tres intervencións de mérito ante Bea e Peque por partida dobre. Tras esta fase de apuro, o Futsi mostrou a súa calidade colectiva cunha bonita combinación que Leti certificou en gol (4-1), minuto 29. Este marcador xerou moita tranquilidade ás madrileñas que dominaban con claridade así que o Burela buscou con porteira xogadora, minuto 30, modificar o devir do choque. Gaby reduciu a diferenza (4-2) e o Atlético tamén alternou o xogo de cinco para asegurar a posesión e desgastar máis a un Burela canso pero que non se rendía con Peque como estandarte. A final estaba na recta final e Peque abriu unha fiestra á esperanza co 4-3 pero uns segundos despois Rosana pechou con firmeza esa mesma fiestra (5-3) difuminando a reacción galega. No último minuto Ariane selou a vitoria co 6-3 definitivo que proclamaba campión ao Atlético Féminas Navalcarnero.
MVP
A organización concedeu o premio á xogadora máis valiosa da Copa de España á xogadora do Burela Pescados Rubén Patricia González Mota “Peque”.
Ficha técnica
Atlético Féminas Navalcarnero (0): Belén, Ju Delgado, Ari, Leti, Rosana ?cinco inicial- Desirée, Natalia, Marta Pelegrín, Peke.
Burela FS Pescados Rubén (0): Jozi; Claudia, Peque, Gaby e Bea Mateos ?cinco inicial- Maite.
Goles: 1-0, m.12, Natalia; 2-0, m.16, Ari; 2-1, m.24, Peque; 3-1, m.27, Peque; 4-1, m.29, Leti; 4-2, m.33, Gaby; 4-3, m.37, Peque; 5-3, m.37, Rosana, 6-3, m.40, Ari.
Pavillón: A Estación de Navalcarnero. 500 espectadores.
Colexiados: Celador Hernández e Losada Pérez, colexio madrileño. Cartón amarelo a Maite e Peque do Burela Pescados Rubén.
No palco de autoridades estiveron presentes Antonio Escribano, presidente do Comité Nacional de Fútbol Sala, Venancio López seleccionador nacional; Javier Lozano, presidente da Liga Nacional de Fútbol Sala; Julio Cabello, presidente da Federación Madrileña, así como os presidentes e directivos do Burela FS Pescados Rubén e Atlético Féminas Navalcarnero.
*Foto:
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
