A Mariña 8 de xuño de 2015.- A CIG-Ensino acusa á Consellaría de Educación de estar provocando un verdadeiro caos nos centros de ensino da Mariña coa publicación o pasado día 1 de xuño da orde que regula o fondo solidario de libros e a convocatoria de axudas para a adquisición de libros de texto.
A secretaria na Mariña, Dores Fernández Abel, considera que a publicación destas ordes pon en evidencia a deriva da Consellaría de Educación neste tema, unha Consellaría desnortada que segue sen garantir a gratuidade dos libros de texto para todo o alumnado, especialmente nun momento de crise económica, que prexudica o funcionamento dos centros e carga de traballo administrativo ao profesorado.
A CIG-Ensino reclamoulle á Consellaría de Educación na mesa sectorial do día 2 de xuño que non se modifiquen os libros de texto, non só como medida de aforro para as familias, senón tamén porque a LOMCE é unha lei efémera e sen futuro, polo que os centros e as familias acabarían cargando cuns libros que deixarían de estar vixentes en poucos meses.
Por outro lado, cómpre considerar que no caso de secundaria é de todo punto inviable o cambio de libros ao non estar aprobado aínda o currículo correspondente, un currículo que foi rexeitado polo Consello Escolar de Galiza.
Ao mesmo tempo a CIG-ENSINO reclama a gratuidade dos libros de texto e de todo o material escolar mediante o sistema préstamo; gratuidade que debe ser universal e, polo tanto, abranguer tamén ao material e os libros de educación infantil e todo o ensino obrigatorio. Así mesmo, é urxente e necesario que se doten os centros de persoal administrativo necesario, de tal xeito que non se sobrecargue o profesorado con tarefas burocráticas e administrativas que non lle corresponden.
Finalmente, a CIG-ENSINO considera que a actual normativa sobre axudas para os libros é discriminatoria para moitas familias. Xa o ano pasado as ANPAS galegas e dos centros públicos da Mariña –que foron as que asumiron o funcionamento dos bancos de libros e que este ano rexeitan seguir levando- xa denunciaba que o sistema de axudas implantado pola Xunta resultaba ineficaz, inxusto e tremendamente custoso.
Dores Fernández Abel. Secretaria da CIG-Ensino A Mariña
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
