Termalismo no Camiño 2015 vén de pechar un existoso primeiro mes. Dende a súa posta en marcha, o pasado 18 de maio de 2015, xa foron máis de 400 persoas, entre titulares e acompañantes os que tomaron parte neste programa posto en marcha pola Deputación de Lugo para impulsar o sector turístico ao combinar o atractivo que ofrecen o Camiño de Santiago e a riqueza termal da provincia.
Ata o de agora, 250 titulares e 180 acompañantes fixeron as súas solicitudes para optar ás 1.200 prazas nos balnearios lucenses dos Concellos de Lugo, Pantón e Palas de Rei, e acceder a paquetes de prestacións con descontos de ata 60 euros.
A maior parte deste beneficiarios proceden do Concello de Lugo, malia que tamén teñen tomado parte veciños procedentes dos Concellos da Pastoriza; A Pontenova; Abadín; Antas de Ulla; Barreiros; Becerreá; Begonte; Burela; Carballedo; Castro de Rei; Castroverde; Cervo; Foz; Friol; Guitiriz; Guntín; Láncara; O Incio; O Páramo; O Valadouro; Outeiro de Rei; Ourol; Pol; Quiroga; Ribadeo; Ribas de Sil; Riotorto; Samos; Sarria; Triacastela; Viveiro e Xove.
En canto ás idades dos 250 partipantes deste último mes, a maior parte, un 43,6%, teñen entre 60 e 70 anos, seguidos polos situados na franxa de idade de 70 a 80 anos, un 32,8%; os de 50 a 60 anos, un 14%, e finalmente os de 80 a 90 anos, que representan un 9,6% do total.
Aberto ata finais de ano
Os lucenses maiores de 50 anos que queiran tomar parte en Termalismo no Camiño, aínda poden facelo, posto que o programa continúa aberto ata finais de ano. Os paquetes de prestacións aos que poden optar son os seguintes:
6 días con 5 noites de estancia
5 pensións completas
Día de entrada (domingo): incluídos cea e aloxamento
Día de saída (venres): incluídos almorzo e comida
8 técnicas de balneario
1 recoñecemento médico á chegada
De luns a xoves: programa de animación sociocultural
Por vez primeira, e para achegarse ao maior número de lucenses posible, Termalismo no Camiño tamén ofrece atención especial ás persoas con problemas de mobilidade, garantíndolles a asistencia para o acceso a piscinas e habitacións, así como programas especificamente deseñados para persoas con discapacidades físicas, psíquicas ou sensoriais, con entornos adaptados e favorecedores do descanso de familiares e coidadores. Para beneficiarse destas vantaxes só será necesario que o beneficiario acredite un grao de discapacidade igual ou superior ao 33% e presente un informe médico favorable.
Para inscribirse só é necesario presentar no Rexistro Xeral da Deputación de Lugo a documentación que poderán obter na web www.deputacionlugo.gal, xunto cunha fotocopia do DNI. Só se aceptarán as inscricións realizadas polas persoas interesadas, sen delegar en Concellos ou outras entidades.
Unha vez seleccionados, os participantes ou ben un familiar directo poderán recoller na Deputación (Servizo de Relacións Institucionais) os bonos que presentarán no balneario seleccionado. Estes bonos tampouco se entregarán a ningún representante de Concellos, asociacións ou calquera tipo de entidade allea.
Máis información en www.deputacionlugo.gal e no 982 260 075.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
