O Presidente da Deputación en funcións, José Ramón Gómez Besteiro, e o Vicerreitor do Campus lugués, Javier Bueno Lema, mantiveron este martes unha xuntanza de seguimento do Plan de Choque, que ambas as dúas institucións puxeron en marcha o ano pasado e ampliaron neste 2015.
O Vicerreitor destacou que “hoxe cúmprese exactamente un ano da toma de posesión do actual equipo de goberno da USC. Dende entón, comezamos a traballar no impulso do Campus de Lugo e, no curso 2014-2015, conseguimos incrementar nun 40% a matrícula nas titulacións que tiñan menor demanda. Este ano as espectativas son mellores grazas ás axudas que ampliou a Deputación de Lugo”. Neste senso, o Presidente en funcións lembrou que “enriquecemos e ampliamos o Plan de Choque cun proxecto para captar talento e con premios para os mellores expedientes”. Gómez Besteiro subliñou que “temos unha forma distinta de facer política, que é a de comprometerse coa universidade pública a diferenza do que fai a Xunta de Galicia. Os tres reitores galegos coinciden en que o esfozo da principal administración galega é insuficiente, moito menor que nas outras universidades de Europa”. Recentemente, os reitores aseguron que a Xunta aporta un 0,8% fronte ao 2% de media que reciben as universidades europeas.
40% de visitas do estranxeiro
Deputación e USC puxeron en marcha, por segundo ano consecutivo, a campaña de promoción de Lugo como cidade universitaria, que leva por nome paraestudarlugo. Na semana que leva activa, a páxina www.paraestudarlugo.com recibiu máis de 5.000 visitas de todas as partes de Galicia e España. Principalmente, dende a provincia de Lugo, aínda que, por exemplo, o 11% foron dende Madrid e o 3% dende Barcelona. O 40% das visitas proviñeron do estranxeiro, de países como Rusia, Estados Unidos ou Alemaña; feito que demostra que esta campaña está a fomentar o Campus de Lugo máis alá das nosas fronteiras.
En redes sociais como a páxina de Facebook da Deputación de Lugo as publicacións sobre a campaña paraestudarlugo tiveron un alcance de máis de 10.000 persoas e foron compartidas por máis de 100. En Twitter houbo uns 50 tweets co hashtag #paraestudarlugo.
Axudas e prazos
A través da campaña paraestudarlugo, a Deputación ofrece, por segundo ano consecutivo, descontos do 50% nos custen da matrícula a estudantes que se matriculen por primeira en 10 graos do Campus de Lugo. Son os seguintes: Enxeñaría de Procesos Químicos Industrias; Enxeñaría Civil; Enxeñería en Xeomática e Topografía; Enxeñaría Agrícola e Agroalimentaria; Enxeñaría Forestal e do Medio Natural; Lingua e Literatura Españolas; Ciencias da Cultura e Difusión Cultural; Relacións Laborais e Recursos Humanos; Xestión de Pequenas e Medianas Empresas; e Administración e Dirección de Empresas. Este mércores comeza a selectividade. Do 1 ao de 3 xullo será o prazo de preinscrición. O prazo de matrícula é do 15 ao 31 de xullo. Durante este último período, só será necesario acceder á paxina web da USC, seleccionar a ligazón coa matrícula e formalizar o proceso. O desconto do 50% aplicarase de xeito automático no momento de pagar a matrícula.
Como novidade, este ano a Deputación tamén custeará a matrícula íntegra aos 135 mellores expedientes de BAC, FP e grao do Campus de Lugo a través do programa de captación de talento “O teu esforzo ten premio en Lugo”. Concretamente, a Deputación sufragará a matrícula dos 90 mellores expedientes galegos de Bacharelato e Formación Profesional que se matriculen no Campus de Lugo; así como as dos 45 mellores graduados que cursen un máster na cidade lucense. O prazo de inscrición para desfrutar deste novidoso programa de captación de talento está aberto ata o 30 de xullo. A documentación debe presentarse no Rexistro da Deputación.
Resultados no curso 2014-2015
O Plan de Choque que Deputación e USC puxeron en marcha o ano pasado, promocionando Lugo como cidade universitaria, rompeu coa tendencia de baixada de alumnos que experimentaba o Campus de Lugo. Deste xeito, as titulacións con menor demanda, cuxa primeira matrícula custeou ao 50% a Deputación, experimentou un incremento do 40% no curso 2014-2015, pasando de 137 estudantes a 191. Destaca a subida de graos como o de Ciencias da Cultura, que pasou de 12 a 45 alumnos.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
