Ribadeo, 10 de xuño de 2015.- O público que acudiu á décima edición do Ribadeo de tapeo elixiu como mellor tapa a elaborada polo restaurante La Villa de Vilaframil, e coma mellor barra a do bar A Queimada, de Ribadeo. Os nomes dos afortunados déronse a coñecer este mércores pola tarde no acto de entrega dos premios aos gañadores deste consolidado concurso gastronómico.
O alcalde, Fernando Suárez, subliñou “a calidade das tapas que participan no concurso, que cada ano intentan superarse. Cada edición son mellores que as da anterior. Do que se trata é de ter argumentos dabondo para que a xente veña aquí a Ribadeo en tempada baixa e goce con esta oferta gastronómica e de actividades diversas”.
Pola súa banda a concelleira de Desenvolvemento Local e Turismo, Ana Martínez, deulles a noraboa aos gañadores e finalistas do X Ribadeo de tapeo e tamén ás persoas que selaron os seus cartóns nas rutas propostas e que entraron en sorteos de ceas para dúas persoas en varios locais de Ribadeo, un vale de compra de 100 euros para gastar na praza de abastos, un paquete de estética, un curso de surf de tres días para dúas persoas, noites de aloxamento e almorzo na ruta do viño do Ribeiro ou noites de aloxamento en Ribadeo, entre outros.
Foron finalistas por decisión dun xurado profesional do Ribadeo de tapeo: O Alén, O Cabazo, Casa Pepe, A Dorada do Cantábrico, Galipizza, A Mirandilla, El Oviedo e Parador de Turismo de Ribadeo. Os propietarios, cociñeiros ou responsables destes locais recibiron diplomas acreditativos.
Os gañadores do concurso de tapas de Ribadeo foron o restaurante Tmos, que levou o primeiro premio; La Solana, que foi o segundo premiado; e AG Porcillán, que levou o terceiro premio. Os tres recibiron un diploma acreditativo, unha estatuíña e tamén catro mandís (para cada local) cunha serigrafía conmemorativa do Ribadeo de tapeo.
Os gañadores do público: A Queimada, como mellor barra; e La Villa, como mellor tapa, recolleron os diplomas e estatuíñas que os acreditan como tal. Ao finalizar o acto todos xuntos posaron para a tradicional foto de grupo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
