Foz, 11 de maio de 2015. Empezaron este xoves en Foz as obras para construír o carril bici da Rapadoira a Llas e tamén a segunda fase das beirarrúas na parroquia de Cangas. Anunciouno o alcalde en funcións, Javier Jorge Castiñeira, quen destaca que se trata de dúas infraestruturas importantes.
O rexedor municipal explicou que “deron comezo no día de hoxe dúas obras importantes de infraestruturas para o noso concello. Concretamente son as da segunda fase das beirarrúas de Cangas, para as que onte xa se colocou a sinalización e a partir de agora xa comezará a obra propiamente dita, que terá un período de construción ata o 31 de agosto, que é o prazo máximo que ten o contratista, que neste caso é Isidro Otero, para entregar esa obra. É financiada totalmente pola Consellería de Medio Ambiente, da Xunta de Galicia, con cerca de 200.000 euros, e que continúa a primeira fase, que se fixo no 2013. Era unha petición que tiñan os veciños e un compromiso deste goberno, que é un máis cumprido”.
Javier Castiñeira engadiu que “tamén é un compromiso máis cumprido o inicio das obras do carril bici da Rapadoira a Llas, unha obra importantísima que estaba aparcada dende hai moitos anos e que o Ministerio de Medio Ambiente, a través da Dirección General de Costas, tivo a ben acoller a iniciativa deste alcalde de iniciar esa primeira fase dende Llas ata A Rapadoira. No día de hoxe comezan eses traballos, que realizará a empresa pública Tragsa cun orzamento de máis de 350.000 euros. É unha moi boa obra para o núcleo urbano de Foz, un servizo máis para todos os rapaces e aquelas outras persoas que queiran dispoñer dun carril bici, que non hai neste concello”.
O alcalde rematou comentando que “o compromiso deste goberno municipal en funcións foi traballar ata o último día do mandato e así o estamos a facer; proba disto é o inicio destas dúas novas obras. Esperemos que este goberno poida seguir cumprindo durante estes próximos 4 anos todas as súas propostas, posto que é o seu compromiso cos veciños durante estas pasadas eleccións; e os cidadáns tamén cumpriron con nós, pois o Partido Popular é a forza máis votada, incrementou a diferenza co segundo partido, aumentou en porcentaxe de voto e eu entendo que debe ser o partido que goberne nestes próximos catro anos o Concello de Foz”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
