Lugo, 11 de xuño de 2015.- A Vicepresidenta Segunda en funcións, Lara Méndez, participou este xoves na inauguración da primeira edición da Ruralweek, iniciativa organizada pola Deputación de Lugo, a través do Centro de Artesanía e Deseño e a Fundación TIC, así como Fademur, Caixa Rural, o Centro Comercial As Termas e o Grupo El Progreso.
O acto tivo lugar ás 19:00 horas no Centro Comercial As Termas, cunha grande afluencia de público, e nel tamén tomaron parte a Presidenta do Grupo El Progreso, Blanca García Montenegro; a Presidenta de Fademur, Rosa Arcos; a Xerente do Centro Comercial As Termas, Cristina Pérez, e o Director Comercial de Caixa Rural, José Manuel López Marcos.
Lara Méndez destacou que estas iniciativas “cumpren un dobre obxectivo, contribuír ao impulso dos nosos produtos autóctonos de calidade e poñer en valor o traballo de todos estes homes e mulleres que apostaron no seu momento polo rural, unha decisión clave na loita contra o despoboamento. Eles e elas son testemuñas de que o rural ofrece innumerables oportunidades de crecemento económico”.
43 artesáns e 22 produtores
Ruralweek é un espazo de 1.200 metros cadrados nos que os lucenses poderán mercar centos de produtos elaborados no rural por 22 produtores de alimentación e 43 artesáns e artistas.
Os lucenses que se acheguen ata o Centro Comercial As Termas poderán mercar centos de variados produtos agroalimentarios, así como de artesanía e deseño. Estarán presentes produtores de aceites; viños e licores; embutidos; froitas; conservas; pan e empanadas; doces ou queixos. Os 22 produtores presentes son, na súa maioría, de Lugo, en concreto 11 deles, procedentes dos Concellos de Ribas de Sil, Folgoso do Courel; As Nogais; Palas de Rei; Baralla, Castroverde; Chantada e Lugo. Tamén participarán 7 produtores da provincia de Pontevedra, xunto con 2 da Coruña e 2 de Ourense.
En canto á artesanía e o deseño, os profesionais presentes na RuralWeek porán á venda, entre outros obxectos de cestería; téxtil; coiro; madeira; complementos de moda; olería; tornería de madeira ou gravado. Estes 43 profesionais, máis de 30 son dos Concellos lucenses de Folgoso do Courel; Triacastela; A Fonsagrada, Palas de Rei; Outeiro de Rei; Vilalba; Sober; Mondoñedo; A Pontenova; Guitiriz; Cospeito; Monforte de Lemos; Begonte; Viveiro e Lugo. Os restantes, da Coruña (5); Ourense (1) e Pontevedra (1).
Apoio á Ribeira Sacra e moito máis
A oferta completarase con demostracións en vivo de oficios como cestería ou tenería de madeira; de elaboración de conservas e marmeladas; de gravado; de encaixe de palillos ou mesmo de confección de redes de pesca. Estas demostracións terán lugar todos os días da feira, entre as 16:00 e as 19:00 horas. Tamén haberá tempo para a música e a poesía, no escenario habilitado ao efecto dentro do recinto.
Aproveitando a afluencia de público no centro comercial, a Deputación traerá novamente a Lugo a campaña de apoio á candidatura da Ribeira Sacra a Patrimonio da Humanidade. Os libros oficiais permanecerán no recinto da feira para que todos aqueles que o desexen poidan deixar constancia do seu apoio e seguir sumando sinaturas ás máis de 50.000 recollidas polo momento.
RuralWeek permanecerá aberto ata o vindeiro día 18 de xuño, en horario continuado de 10:00 a 22:00 horas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
