Viveiro, 12 de xuño de 2015.- O Concello de Viveiro organiza un acto de recoñecemento ao deportista Adrián Ben.
A alcaldesa de Viveiro, María Loureiro, declarou este venres que “con este acto o Concello de Viveiro quere realizar un merecidísimo recoñecemento a este atleta viveirense polos magníficos resultados que está a conseguir en cada unha das probas nas que participa. A pesar da súa xuventude, Adrián Ben atesoura xa un longo palmarés repleto de títulos, triunfos e marcas, superando os seus mellores tempos e posicionándose, indubidablemente, como unha das grandes esperanzas do atletismo”.
A rexedora engadiu que “a piques de cumprir os 17 anos, pode dicirse que Adrián arrasa aló onde vai. Poucos deportistas, só os máis grandes, poden presumir de subir ao podio en todas as probas nas que compiten e Adrián pode facelo, pois, no que vai de temporada, conseguiu metal en todas e cada unha das 14 probas nas que participou. Os logros obtidos son moitos, destacando, neste ano, a proclamación como campión de España xuvenil en 1.500 e 5.000, campión galego en 3.000 e plusmarquista autonómico dos 1.500 metros lisos ou a consecución das mellores marcas nacionais da temporada en catro disciplinas -5.000 metros, 2.000 obstáculos, 1.500 metros e 3.000 metros-, das cales dúas delas son, asemade, a segunda e cuarta mellor marca do ano en Europa”.
En opinión de María Loureiro, “os resultados falan por si mesmos e só cabe dicir que Adrián é un exemplo evidente de talento, esforzo, superación e constancia. Os resultados obtidos son espléndidos e admirables, o teu futuro –cun pé no Mundial de Colombia- é máis que prometedor. Como alcaldesa, en nome de todos os veciños, quero transmitirche a nosa máis sinceira noraboa, pois o teu nome xa figura na historia do atletismo e estou plenamente convencida de que este só é o inicio dunha longa traxectoria cunhas perspectivas espectaculares”.
A alcaldesa afirmou tamén que “consciente de que Viveiro carece dunhas instalacións axeitadas para a práctica deste deporte, quero aproveitar a ocasión para comprometerme publicamente a facer todo o posible na presente lexislatura para dotar a este concello e ao deporte que representas dunhas instalacións adecuadas, ofrecéndoche, en todo, caso a posibilidade de utilizar as infraestruturas existentes”.
Loureiro concluiu dicindo que “só me resta, finalmente, reiterar as nosas felicitacións, brindarche o apoio municipal e desexarche toda a sorte do mundo”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
