Ribadeo, 19 de xuño de 2015. O Concello inviste 15.000 euros no arranxo do parque infantil do barrio de San Miguel. O alcalde, Fernando Suárez, agarda que estea listo para goce dos máis pequenos nos primeiros días do verán.
O rexedor contou que “agora con calma, paseniño, despois das eleccións municipais e con esta nova Corporación, estamos a realizar unha serie de obras, que durante a campaña non quixemos facer porque nos parecía pouco prudente inicialas nesas datas. E deixámolas para despois como é o caso, e agora estamos a encarreirar o seu final, destas obras de mellora e adecentamento deste parque infantil tan bonito que temos no barrio de San Miguel, preto da capela de San Miguel. Alí existe un parque desde hai tempo, pero facíalle falta melloralo e dotalo de máis xogos, non só para os nenos que viven naquel barrio e que teñen todo o dereito do mundo, senón porque tamén é moi concorrido por nenos e nenas doutras partes da vila”.
Suárez Barcia explicou que “supoñen un custe duns practicamente 15.000 euros, que se sufragan con fondos municipais sen aportes doutras administracións. Agardamos que agora en poucos días, ao inicio do verán, estas obras estean rematadas e listas para o disfrute de todos os nenos e nenas”.
O alcalde tamén confía en que “coincidindo con estas datas de finais de mes o parque San Francisco, que está tamén en obras desde hai tempo, estea listo. Está quedando moi ben, ten moi boa pinta e confiemos que sexa do agrado dos nenos e nenas da vila e doutros sitios, que neste verán nos virán visitar en masa”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
