Bruxelas, 23 de xuño de 2015.- Unha sala pequena, dous flexos, unha mesa, dúas cadeiras, tres caixas fortes. Así é a polémica estancia onde o Parlamento Europeo permite a revisión de 70 dos documentos “non oficiais” das negociacións do Transatlantic Trade and Investment Partnership (TTIP), un dos tratados de liberalización comercial que están a negociar arestora a Unión Europea (UE) e os Estados Unidos de América (EUA).
As dúas horas de tempo estipuladas para acceder á sala de lectura do TTIP deron só para revisar catro dos dezasete documentos solicitados. Abondou para saír cas ideas claras: “non houbo nada que reducira un ápice a grande preocupación que tiña antes de entrar; o que atopei vai na liña do que xa sabemos e estamos denunciando”, valorou a eurodeputada de Alternativa Galega de Esquerda en Europa, Lídia Senra. É mais, destacou, á restrición e dificultades no acceso á información engádese ademais o feito de que algúns dos documentos compilados nesta sala non están “completos”, “había documentos que facían alusión a anexos para poder ser comprendidos na súa totalidade, pero os anexos non estaban alí”.
Aliás, sinalou Senra, resulta tamén unha eiva democrática a barreira lingüística, xa que “non é lóxico que uns documentos destas características estean só nun idioma, neste caso o inglés”.
Por outra parte, engadiu, “confírmase que este é un tratado que abarca absolutamente tódolos ámbitos da nosa vida”. Unha trascendencia tan absoluta que fai inda máis condenable o escurantismo ao que está a ser sometida a negociación, “non está a haber a transparencia mínima necesaria, nin de cara á cidadanía, nin de cara ás eurodeputadas/os, que teremos que discutir sobre este tratado e do que nalgún momento teremos que decidir sobre a súa ratificación ou non”. “Están limitando a nosa acción política”, sentenciou.
Logo de ter acceso aos documentos confidenciais custodiados na sala de lectura do Parlamento Europeo, a conclusión é nítida, “é todo unha pantomima, debido á alarma social víronse obrigados a habilitar esta ferramenta de suposta transparencia cando en realidade a información segue sendo moi limitada”.
Fronte a esta tentativa de impoñer un acordo comercial “que remataría ca soberanía dos pobos tal e como a coñecemos hoxe en día”, a eurodeputada galega puxo en valor a importantísima loita social que está a facer fronte ao TTIP, “cómpre seguir dando a batalla para que haxa transparencia, seguir dando a batalla para que coñezamos realmente en todo momento o que se está negociando e seguir dando a batalla contra este tratado entre os EUA e a UE que vai ter consecuencias tremendas para a nosa vida diaria”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
