Arranca a tempada de verán en COGAMI coa primeira travesía do veleiro Laion, unha embarcación que lle foi incautada ao narcotráfico e que ten en garda e custodia a Federación COGAMI Coruña dende hai trece anos, posibilitando que as persoas con discapacidade poidan experimentar as sensacións que produce a navegación a vela.
Durante este mes de xullo, o Laion vai estar atracado en diferentes clubs náuticos, para facilitarlle a distintas persoas usuarias das entidades que conforman a Confederación, a oportunidade de participar e aprender as nocións básicas sobre a navegación a vela, así como a realización de nós náuticos e o manexo do temón.
Neste verán van participar un total de 216 persoas, 8 delas por quenda, procedentes de distintas entidades membro de COGAMI ou dos centros de atención que ten a Confederación nas distintas cidades galegas.
Con dúas travesías por día, en horarios de 11.00 a 14.00 horas e de 16.00 a 19.00 horas, a primeira saída vai ser dende o RCN de Ribadeo, e a última travesía realizarase a finais de agosto trala participación durante os días 28, 29 e 30 de agosto na Regata SAR Infanta Elena de A Coruña, como xa vén sendo habitual. A continuación, deixamos unha táboa con todos os lugares e entidades participantes.
|
DATAS |
LUGARES |
ENTIDADES |
HORARIOS |
|
1 de xullo |
RCN Ribadeo |
COGAMI-Lugo |
11 a 14 h. e 16 a 19 h |
|
2 de xullo |
RCN Ribadeo |
FRATERNIDAD |
11 a 14 h. e 16 a 19 h |
|
3 de xullo |
RCN Ribadeo |
FRATERNIDAD A Mariña COGAMI |
11 a 14 h 16 a 19 h |
|
4 de xullo |
RCN Ribadeo |
A Mariña COGAMI |
11 a 14 h |
|
12 de xullo |
Marina Viveiro |
Disvalia |
11 a 14 h. e 16 a 19 h |
|
14 de xullo |
Club do Mar de Ferrol |
COGAMI Ferrol |
11 a 14 h. e 16 a 19 h. |
|
17 de xullo |
CN de Camariñas |
Integro |
11 a 14 h. e 16 a 19 h |
|
20 de xullo |
Muport- Marina Muros |
Adisbismur |
11 a 14 h. e 16 a 19 h |
|
21 de xullo |
Muport- Marina Muros |
Adisbismur |
11 a 14 h. e 16 a 19 h |
|
22 de xullo |
Muport- Marina Muros |
Adisbismur |
11 a 14 h. e 16 a 19 h |
|
25 de xullo |
CN Ría de Ares |
COGAMI Ferrol |
11 a 14 h. e 16 a 19 h. |
|
26 de xullo |
CN Ría de Ares |
COGAMI Ferrol |
11 a 14 h. e 16 a 19 h. |
|
PARTICIPACIÓN REGATA SAR INFANTA ELENA |
|||
|
28 de agosto |
RCN de A Coruña |
COGAMI Coruña |
16 a 19 h |
|
29 de agosto |
RCN de A Coruña |
COGAMI Ourense |
11 a 14 h. e 16 a 19 h |
|
30 de agosto |
RCN de A Coruña |
Alcer Coruña |
11 a 14 h |
Este proxecto denominado GAVEA (Galicia Vela Adaptada) é posible a través da colaboración de distintos clubs náuticos que ceden os amarres, como é o caso de: Real Club Náutico de Ribadeo, Marina Viveiro, Club do Mar de Ferrol, Club Náutico de Camariñas, Muport- Marina Muros, Club Náutico Ría de Ares e o Real Club Náutico de A Coruña.
O GAVEA permite a participación en actividades náutico-deportivas a todas as persoas, derribando as barreiras que impiden o uso do medio mariño. Dende que iniciou este proxecto, máis de 3.500 persoas puideron participar.
O VELEIRO LAION
O Laion, de 13 metros de eslora, ten capacidade máxima para 10 persoas: 2 tripulantes, que son persoas voluntarias que ceden o seu tempo para participar neste proxecto, 6 participantes con algunha discapacidade e outras 2 persoas acompañantes.
A embarcación conta con adaptacións para facer practicable a navegación, como un guindastre instalado na botavara que permite embarcar ás persoas con mobilidade reducida dende o pantalán ata uns backets instalados na bañeira do barco. O control da embarcación conta cun winche eléctrico que se activa a través dun pulsador, permitindo gobernar o barco a calquera persoa.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
