A programación sociocultural para o mes de xullo no Concello do Vicedo arranca o mércores 8 ás 10.30 horas cunha baixada polo Sor en kayaks -que ten un prezo de 15 euros- dende o porto do Vicedo ata onde se poderán desprazar os participantes en vehículos facilitados por Actividades Estaca.
O seguinte mércores, 15 de xullo, desenvolverase unha ruta polo Sendeiro Azul e Senda da Costa (10 km) con saída dende a praia da Abrela ás 10.00 horas.
A costa de Xove será o seguinte destino destas rutas gratuítas organizadas polo Concello o mércores 22. Ás 10.00 horas, dende a Casa da Cultura, partirase en coches particulares ata o inicio do roteiro no Porto de Morás.
Finalmente, o mércores 29 péchanse estas actividades de sendeirismo e kayaks cunha actividade combinada que se desenvolverá no Barqueiro -a partir das 10.00 horas tamén-; aínda que os participantes tamén poden elixir participar en calquera das dúas de xeito individual. O prezo da ruta en kayak será de 15 euros.
Os interesados en participar nalgunha das actividades poden inscribirse na Casa da Cultura do Vicedo ou no teléfono 982 59 01 95.
Cultura
Por outra banda, a Casa da Cultura inaugura o mércores 15 de xullo unha exposición de pintura de José Pablo Pérez e xoves 23 acollerá a partir das 20.30 horas a presentación do libro Reflexiones sobre la vida y otras cosas, de Enrique Mora Morandeira. E o xoves 30, dirixido a nenos e nenas de entre 3 e 11 anos, acollerá o obradoiro lúdico “O sabor da aventura está no mar” a partir das 11.00 horas.
Festa Turismo Rural
O Vicedo acolle o domingo 19 de xullo a Festa de Turismo Rural a partir das 13.00 horas cunha misa na honra a San Vicente de Francos. Xa a partir das 14.30 horas haberá degustación de produtos típicos. Ás 17.00 campionato ecuestre do que se entregarán os premios ás 18.30 horas para deixar paso ó baile a partir das 19.30 horas.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
