Burela, 13 de xullo de 2015.- O Concello publicará en breve as bases para a contratación das seis persoas que traballarán na brigada anti incendios. Trátase de catro peóns, un condutor e un encargado/a, segundo deu a coñecer este luns o alcalde, Alfredo Llano.
O rexedor dixo que “o Concello de Burela, que está comprometido coa creación de postos de traballo porque o desemprego é un problema que nos preocupa, pois aínda que existan estatísticas que digan que todo isto está mellorando aquí non se detecta tal melloría no aspecto laboral. Por iso un dos nosos maiores intereses é potenciar o emprego e sobre todo o xuvenil. Así que desde o Concello vamos procurar dar o maior número de oportunidades con respecto a este tema”.
Llano lembrou que “en principio xa creamos os postos de socorristas para as praias, servizo no que tiñamos pensado 10 prazas, pero ao final só puideron ser 8 debido a que non concederon subvención para máis prazas que oito; entón houbo que conformarse con estas”.
O alcalde burelés anunciou que “estamos mirando estes días e vamos sacar as bases para unha brigada anti incendios que queremos que empece a funcionar o día 31 deste mes de xullo. Hai 6 prazas, das cales 4 son de peóns, unha é de condutor e outra de encargado ou encargada. Vamos intentar poñer as bases xa a partir de mañá, martes, en exposición pública e tamén o anunciaremos na prensa. E aquela xente que queira optar a estas prazas o único que ten que facer é vir ao Concello e terá a oportunidade de conseguir unha delas”.
Alfredo Llano engadiu que “tamén hai outra praza inmediatamente para un profesor de informática, que xa saíu publicamente e vai estar aberto o prazo ata este xoves. Aquela xente que, de acordo coas bases, poida participar na selección para este profesor de informática pode presentarse. Trátase da persoa que estará na Aula CeMIT do Concello de Burela”.
O rexedor insistiu: “a nosa intención é procurar dar o máximo de oportunidades para o emprego, sobre todo pensando no xuvenil e na aquela xente que leva moito tempo agardando unha oportunidade laboral, e niso estamos. Así que todos os postos de traballo que xurdan a través de plans concertados ou de cooperación ou con plans de emprego propios do Concello procuraremos dalos a coñecer con tempo e desde logo favorecer o máximo posible a redución do paro”.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
