VII Xornadas do Bonito no Vila do Val

O Hotel Vila do Val de Ferreira do Valadouro acollerá os venres, sábados e domingos, entre o 17 de xullo e o 30 de agosto, as VII Xornadas do Bonito. O prezo por persoa será de 10 euros e os comensais poderán elixir entre catro preparacións: bonito á prancha, bonito en rolo, bonito con pisto e bonito á faraona. María Hermida, xerente do Hotel, invita a veciños e turistas da Mariña a achegarse a Ferreira e saborear os múltiples xeitos de preparar este peixe de tempada tan ligado á comarca. “O bonito é un produto típico destas datas e as xornadas do Hotel Vila do Val están xa consolidadas. Nesta sétima edición mantemos algúns dos pratos que triunfaron nas pasadas, e ofrecemos algún novo coa intención de seguir sorprendendo á nosa clientela”, explica Hermida. Para máis información e reservas, os interesados poden chamar ao número 982 57 16 53.