Foz acollerá entre o venres 14 e o sábado 15 de agosto o TENTACLE SUMMER Festival.
Este proxecto nace da premisa de diferenciarse do resto de festivais electrónicos. Para iso, nas catro edicións anteriores, seleccionouse un abanico de artistas internacionais e nacionais experimentados nun estilo clásico e moi marcado como é o son HOUSE, converténdose nun referente na música electrónica en toda Galicia e empezando a consolidarse como unha cita importante a nivel nacional.
Ademais de contar cun cartel nacional e internacional de gran calidade, TENTACLE ofrece este ano unha novidade: as xornadas Tentacle Teknica 2015 que incluirán relatorios sobre as últimas tendencias e a evolución da música electrónica coa participación de recoñecidos selos discográficos, deseñadores de imaxe, produtores e DJs, tanto a nivel nacional como internacional:
– PREMIER.- Estreno do documental JACKMANÍA presentado polo seu Director e productor, Ino Plans.
– RELATORIO 95:15 de Viktor Flores coa participación de Red Bull Music Academy.
– LIVE-DEMO- ROLAND de Nacho Marco con caixas de ritmos.
– DEMO E SPEECH de Bonfante sobre a integración dos sons analóxicos na música electrónica.
– SINERGIAS, A UNIÓN DO DESENVOLVEMENTO VISUAL CREATIVO E A MÚSICA ELECTRÓNICA con Anita aka Plastica.
– RELATORIO sobre a creación dun selo de música electrónica desde cero con Certain people.
– PROCESO AUDIOVISUAL VINCULADO A UN SELO ELECTRÓNICO por Eros Marez Banm Records.
– MUSICA ELECTRóNICA E GASTRONOMÍA por Hunger Culture.
Tamén haberá esión vermú aberta ao público (12.00 a 15.30 horas); mentres que as sesións de tarde comezarán ás 17.00 horas prolongándose o venres ata as 04.00 horas e o sábado ata as 05.00 horas.
Programación
Venres 14 de Agosto:
DJ T. / NACHO MARCO / DJ INO & MC JOHNNY DEF / RHYTHM&SOUL / Bonfante / Manolo Vilouta / Mario González & Diego González / Alex Nite / MR Costy / GLS.
Sábado 15 de agosto:
MARSHALL JEFFERSON / TYREE COOPER / BOBBY STARRR / VICTOR FLORES / Vitor P / Adolfo Velayos / LRoca / Mr. Fishman / Oscar Mosqueira / Cats & Monkeys.
Ademais, o Festival realízase nun emprazamento privilexiado, pegado á espectacular Ría de Foz, con vistas abertas ao mar, aproveitando o vínculo que a contorna xera coa natureza.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
