Lugo, 23 de xullo de 2015.- O subdelegado do Goberno en Lugo, Ramón Carballo, e a alcaldesa de Mondoñedo en funcións, Mª Ángeles Rodríguez Rico, copresidiron na mañá deste xoves unha reunión ordinaria da xunta local de seguridade na que, ademais de analizar a evolución delincuencial no municipio, se detallou o plan de seguridade deseñado polo Concello de cara á celebración do Mercado Medieval, que se desenvolverá entre os vindeiros días 7,8 e 9 de agosto.
Tal e como se acordou no encontro desta mañá, os efectivos da Policía Local intensificarán os traballos de vixianza para evitar incidentes no transcurso desta cita festiva en Mondoñedo, así como durante a celebración das citas festivas que congregarán a máis público en Mondoñedo durante os vindeiros meses, como é a Festa de As San Lucas ou a dos Remedios. A Garda Civil comprometeuse a traballar conxuntamente cos efectivos da Policía Local para reforzar os seus dispositivos de seguridade. De xeito especial, os axentes centraranse en vixiar o tráfico para favorecer a circulación fluída e evitar problemas nas estradas, e en previr a comisión de posibles delitos no casco urbano, onde se rexistrarán as maiores concentracións de xente.
O traballo conxunto e coordinado dos dous corpos policiais permitirá facilitar unha atención máis áxil e eficaz tanto aos veciños como aos visitantes que se acheguen a Mondoñedo durante ditas celebracións.
Lixeiro descenso da delincuencia
Os membros da xunta de seguridade fixeron tamén hoxe unha análise global da situación delincuencial durante os seis primeiros meses do ano 2015 en Mondoñedo e destacaron que, atendendo aos datos de denuncias rexistradas no conxunto do ano no municipio, os delitos rexistraron un lixeiro descenso con respecto ao ano anterior.
Na xunta deste xoves, ademais do subdelegado do Goberno e a alcaldesa en funcións de Mondoñedo, participaron tamén representantes da Garda Civil, a Unidade de Tráfico, a Policía Autonómica e a Policía Local.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
