BURELA .- Os grupo municipal do PP no concello de Burela asegura que “hai colectivos que se senten incómodos e mesmo marxinados, porque non se contou con eles” na distribución de horarios dos pavillóns. A concelleira Elisa Crego e o edil Cristóbal Edrosa afirman “que non se contou con todas as asociacións implicadas, e porque mesmo o trato non foi todo o educado que debería ser. Mesmo se perciben ramalazos de autoritarismo e de prepotencia, algo así como ou o tomas ou o deixas”.
Nota de Prensa
O GMPP critica a distribución de horarios dos pavillóns.
Elisa Crego e Cristóbal Edrosa afirman que non se contou con todas as asociacións implicadas.
Cren que así se vai pola imposición en vez de polo diálogo.
O GMPP de Burela criticou hoxe a distribución de horarios dos pavillóns polideportivos de propiedade municipal para o uso de asociacións, por considerala imprevisora, apurada e non contar coas asociacións.
Os edís populares Elisa Crego e Cristóbal Edrosa afirman nunha nota de prensa que efectivamente non se contou coas asociacións para a distribución de horarios. Crego e Edrosa indican que todos os anos se facían reunións para a distribución dos pavillóns, e en realidade eran as propias asociacións as que se poñían de acordo, cedendo todos algo, tendo en conta que os horarios son limitados.
Crego e Edrosa aseguran que hai colectivos que se sinten incómodos e mesmo marxinados, porque non se contou con eles, e porque mesmo o trato non foi todo o educado que debería ser. Mesmo se perciben ramalazos de autoritarismo e de prepotencia, algo así como “ou o tomas ou o deixas”
Para os edís do PP, a vía da imposición non conduce a nada, dado que a vía normal para solucionar estes temas é a vía do diálogo. Por eso, Edrosa e Crego consideran que é bon que o BNG se desenmascare, e deixe ver o seu carácter real, que pasa pola intolerancia e a ausencia de diálogo. Finalmente, aseguran que non deixa de ser chocante que os que se din defensores do asociacionismo sexan os primeiros en impoñer os seus criterios sen dar oportunidade de réplica.
Polo GMPP de Burela, Elisa Crego e Cristóbal Edrosa.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
