Ribadeo, 28 de agosto de 2015. Concluíu en Ribadeo o IV Fórum de Innovación e Formación sobre Vehículos, organizado por Apaga (Asociación de Profesores de Automoción de Galicia) e que reuniu durante tres días a 72 participantes. Álvaro Doural fai un balance moi positivo do evento.
O presidente de Apaga dixo que “o balance é moi positivo polo incremento de participación, creo que o ritmo de traballo mellorou bastante, a xente está moi animada, por exemplo os obradoiros de onte, que estaba previsto que rematasen ás sete e media da tarde ao final case eran as nove da noite e aínda estaba a xente facendo prácticas e actividades”.
E a asemblea xeral de Apaga celebrábase o venres á noite onde “tratamos unha serie de asuntos, como a modificación dos estatutos da asociación, presentáronse os proxectos europeos que vamos facer no período 2016-2017. Falouse de seguir cos fins de semana tecnolóxicos. Tamén seu deu a coñecer a situación económica e a auditoría de contas que se fixo hai dous meses e informouse ademais do número de socios, que neste momento é de case 100”, engadiu Álvaro Doural.
Tras o Fórum chega mañá a III Mostra de Vehículos Clásicos, como actividade complementaria. O presidente de Apaga sinala que “na mostra vanse poder ver toda unha serie de vehículos da liña de Peugeot-Citroën, dende algúns dos anos 1919 e 1920 ata outros máis recentes, como os moi populares 2 Cabalos ou Dyane 6, etcétera. Tamén vai haber coches novos, Peugeot e Citroën, que acaban de saír ao mercado e a xente que queira probalos poderá facelo. Vai haber persoal para atender aos visitantes o sábado e o domingo”.
Doural cre que “vai ser unha exposición interesante para todo o mundo, que a algúns nos recordará aqueles tempos de cando tíñamos 18 anos, acabábamos de sacar o carné de conducir e a única posibilidade que tíñamos era conducir un Dyane 6 ou un 2 Cabalos”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
